Read William Morgan Bible 1588 original edition Esther 1 Bible Online

Esther 1 - William Morgan Bible 1588 original edition bible

Esther 1

¹Ahasferus yn yscar ai wraig Fasthi am na ddeue hi wrth ei orchymyn ef iw wledd ef. 20 Awdurdod gwyr eraill ar eu gwragedd. Yn nyddiau Ahasferus: (efe [yw] Ahasferus yr hwn oedd yn teyrnasu o India hyd Ethiopia, [sef ar] gant, a saith ar hugain o dalaithau)

²Yn y dyddiau hynny pan eisteddodd y brenin Ahasferus ar orseddfa ei frenhiniaeth yr hon [oedd] yn Susan y brenhin-lys:

³Yn y drydedd flwyddyn oi deyrnasiad, efe a wnaeth wledd iw holl dywysogion, ai weision: [sef] cadernid y Persiaid, a’r Mediaid, y rhaglawiaid, a thywysogion y talaithau [oeddynt] ger ei fron ef:

⁴Fel y dangose efe gyfoeth, [a] gogoniant ei deyrnas, anrhydedd hefyd, [a] phrydferthwch ei fawredd ef ddyddiau lawer, [nid amgen] cant a phedwar vgain o ddyddiau.

⁵A phan gyflawnwyd y dyddiau hynny, y brenin a wnaeth i’r holl bobl a’r a gafwyd yn Susan y brenhin-lys, o’r mwyaf hyd y lleiaf wlêdd [dros] saith niwrnod yng-hyntedd gardd palas y brenin,

⁶[Tann lenni] gwynnion, gwyrddion, a rhuddgochion wedi eu cylymmu a rheffynnau sidan, ac a phorphor mewn modrwyau arian, a cholofnau marmor: gwelâu [oeddynt] o aur, ac arian ar balmant o [faen] Grissial, a Marmor, Alabaster hefyd, ac Iasinct.

⁷Yfed diod [yr oeddynt] mewn llestri aur, a chyfnewid amryw lestri: a gwîn brenhinawl lawer yn ôl gallu y brenin.

⁸Y ddiod hefyd [oedd] wrth ddefod, nid [oedd] a gymhelle: canys felly y gosodase y brenin [orchymyn] ar bôb [gŵr] mawr [ofewn] ei dŷ ef, sef gwneuthur yn ôl ewyllys pawb.

⁹Y frenhines Fasthi hefyd a wnaeth wlêdd i’r gwragedd, [yn] y brenhin-dŷ yr hwn [oedd] eiddo Ahasferus y brenin.

¹⁰Ar y seithfed dydd pan oedd lawen calon y brenin gan wîn, efe a ddywedodd wrth Mehuman, biztha, Harbona, Bigtha, ac Abagtha, Zethar, a Charcas, y saith stafelludd (y rhai oeddynt yn gweini ger bron y brenin Ahasferus)

¹¹Am gyrchu y frenhines Fasthi o flaen y brenin mewn brenhinawl goron: i ddangos i’r bobloedd, ac i’r tywysogion ei glendid hi, canys têg [mewn] golwg ydoedd hi.

¹²Ond y frenhines Fasthi a wrthododd ddyfod wrth air y brenin yr hwn [a anfonase efe] drwy law y stafellyddion: am hynny y llidiodd y brenin yn ddirfawr, ai ddigllonedd ef a enynnodd ynddo.

¹³Yna y dywedodd y brenin wrth y doethion [y rhai] oeddynt yn gŵybod yr amserau: (canys felly [’r hyspyssid] achosion y brenin ger bron yr holl rai a fyddent yn gŵybod cyfraith, a barn)

¹⁴A nesaf atto ef [oedd] Carsena, Sethar, Admatha, Tharsis, Meres, Marsena, [a] Memuran: saith dywysog Persia, a Media y rhat oeddynt yn gwêled wyneb y brenin, [ac] yn eistedd yn gyntaf yn y frenhiniaeth,

¹⁵Beth sydd iw wneuthur wrth y gyfraith i’r frenhines Fasthi, am na wnaeth hi archedigaeth y brenin Ahasferus [yr hwn a anfonase efe] drwy law ystafellyddion?

¹⁶Yna Memucan a ddywedodd ger bron y brenin, a’r tywysogion: nid yn erbyn y brenin yn vnic y gwnaeth Fasthi y frenhines ar fai: onid yn erbyn yr holl bobloedd y rhai [ydynt] drwy holl dalaithau y brenin Ahasferus.

¹⁷Canys gweithred y frenhines a aiff allan at yr holl wragedd, fel y dremygant eu gwŷr yn eu glowg eu hun: pan ddywedant, y brenin Ahasferus a archodd gyrchu Fasthi y frenhines oi flaen ef, ond ni ddaeth hi.

¹⁸Arglwyddesau Persia, a Media y rhai a glywsant weithred y frenhines a ddywedant heddyw bellach wrth holl dywysogion y brenin: felly [y bydd] mwy na digon o ddirmig, a digter [i ni.]

¹⁹Os bydd bodlon gan y brenin, eled brenhinawl orchymyn oddi wrtho ef, ac scrifenner ef ym mysc cyfreithiau y Persiaid, a’r Mediaid, ac na throssedder ef: am na ddaeth Fasthi ger bron y brenin Ahasferus, am hynny rhodded y brenin ei brenhiniaeth hi iw chyfeilles yr hon sydd well na hi.

²⁰Pan glywer gorchymyn y brenin (yr hwn a wnelo efe) drwy ei holl frenhiniaeth yr hon sydd fawr: yna’r holl wragedd a roddant anrhydedd iw gwŷr, o’r mwyaf, hyd y lleiaf.

²¹A dâ fu’r peth yng-olwg y brenin, a’r tywysogion: a’r brenin a wnaeth ar ôl gair Memucan.

²²Canys efe a anfonodd lythŷrau i holl dalaithau y brenin, îe i bôb talaith yn ôl ei scrifen hi, ac at bôb pobl yn ôl eu tafodiaith eu hun: ar fod pôb gŵr yn arglwyddiaethu yn ei dŷ ei hun, a thraethu [o bawb hyn] yn ôl tafodiaith ei bobl.