Read William Morgan Bible 1588 original edition Esther 3 Bible Online

Esther 3 - William Morgan Bible 1588 original edition bible

Esther 3

¹Haman yn ceisio difetha yr holl Iddewon, am na pharchase Mordocêus ef. Wedi y pethau hyn, y brenin Ahasferus a fawrhaodd Haman fab Hammedatha ’r Agagiad, ac ai derchafodd ef: gosododd hefyd ei orseddfaingc ef goruwch yr holl dywysogion y rhai [oeddynt] gyd ag ef.

²A holl weision y brenin y rhai [oeddynt] ym mhorth y brenin oeddynt yn ymgrymmu, ac yn ymostwng i Haman, canys felly y gorchymnnase’r brenin am dano ef: ond nid ymgrymmodd Mordoceus, ac nid ymostyngodd.

³Yna gweision y brenin y rhai [oeddynt] ym mhorth y brenin, a ddywedasant wrth Mordoceus: pa ham yr ydwyt ti yn trosseddu gorchymyn y brenin?

⁴Ac er eu bod hwy beunydd yn dywedyd wrtho ef [fel hyn,] etto ni wrandawe efe arnynt hwy: am hynny y mynegasant i Haman iedrych a safe geiriau Mordoceus, canys efe a 203 fynegase wrthynt mai Iddew [ydoedd] efe.

⁵Pan welodd Haman nad oedd Mordoceus yn ymgrymmu, nac yn ymostwng iddo: yna Haman a lawnwyd o ddigllonedd.

⁶Er hynny diystyr oedd ganddo yn ei olwg ei hun estyn llaw yn erbyn Mordocêus eu hunan (canys mynegasent iddo [pwy oedd] bobl Mordocêus) am hynny Haman a geisiodd ddifetha’r holl Iddewon y rhai [oeddynt] drwy holl frenhiniaeth Ahasferus, [sef] pobl Mordocêus.

⁷Yn y mîs cyntaf (hwnnw [yw] * Nisan) yn y ddeuddecfed flwyddyn i’r brenin Ahasferus: efe a barodd fwrw Pyr (hwnnw [yw] y coelbren) ger bron Haman o ddydd i ddydd, ac a fîs i fîs [hyd] y deuddecfed [mîs] hwnnw [yw] mis Adar.

⁸Yna Haman a ddywedodd wrth y brenin Ahasferus, y mae rhyw bobl wascaredic, a gwahanedic ym mhlith y bobloedd, drwy holl dalaithau dy frenhiniaeth: ai cyfreithiau hwynt sy yn ymrafaelio oddi wrth [gyfraith] yr holl bobl, ac nid ydynt yn gwneuthur [ar ôl] cyfreithiau y brenin, am hynny nid buddiol i’r brenin eu dioddef hwynt.

⁹O bydd bodlon gan y brenin, scrifenner am eu difetha hwynt: a deng mil o dalentau arian a dalaf ar ddwylo y rhai a wnânt y weithred hon, iw dwyn i dryssorau y brenin.

¹⁰Yna y tynnodd y brenin ei fordrwy oddi am ei law: ac ai rhoddes i Haman fab Hammedatha yr Agagiad gwrthwyneb-wr yr Iddewon.

¹¹A’r brenin a ddywedodd wrth Haman, rhodder yr arian i ti: a’r bobl i wneuthur a hwynt fel y byddo dâ yn dy olwg.

¹²Yna y galwyd scrifennyddion y brenin yn y mîs cyntaf, ar y trydydd dydd ar ddêc o’r [mîs] hwnnw, ac yr scrifennwyd yn ôl yr hyn oll a orchymynnase Haman at bendefigion y brenin, ac at y dugiaid y rhai [oeddynt] ar bob talaith, ac at dywysogion pob pobl, i bob talaith, yn ôl ei scrifen, ac [at] bob pobl yn ôl eu tafod-iaith: yn enw y brenin Ahasferus yr scrifennasid, ac a modrwy y brenin y seliasid [hyn.]

¹³A’r llythŷrau a anfonwyd gyd a’r rhedeg-wŷr i holl dalaithau y brenin: i ddinistrio, i ladd, ac i ddifetha’r holl Iddewon yn ieuangc, ac yn hên, yn blant, ac yn wragedd mewn vn dydd, [sef] ar y trydydd [dydd] ar ddêc o’r deuddecfed mis (hwnnw [yw] mîs Adar: ) ac i sclyfaethu eu hyspail hwynt.

¹⁴Testyn yr scrifen [oedd] gosod cyfraith ym mhob talaith yn eglur i’r holl bobloedd: i fod yn barod erbyn y diwrnod hwnnw.

¹⁵Y rhedeg-wŷr a aethant wedi eu cymmell drwy air y brenin, a’r gorchymyn a roddasid yn Susan y brenhin-lys: y brenin hefyd, a Haman a eisteddasant i yfed, a dinasyddion Susan oeddynt yn athrist.