Read William Morgan Bible 1588 original edition Esther 6 Bible Online

Esther 6 - William Morgan Bible 1588 original edition bible

Esther 6

¹Ahasferus yn darllen mewn llyfr am ffyddlondeb Mardocêus. 10 Ac yn peri ei anrhydeddu ef yn rhagorol. Y noswaith honno cwsc y brenin a giliodd ymmaith: am hynny efe a archodd ddwyn llyfr y coffadwriaethau, [ac] hanession yr amseroedd, a darllenwyd hwynt ger bron y brenin.

²Yna y cafwyd yn scrifennedic yr hyn a fynegase Mordocêus am Bigthana, a Theres dau o stafellyddion y brenin o’r rhai oeddynt yn cadw y trothwy: [sef] y rhai a geisiasent estynn llaw yn erbyn brenin Ahasferus.

³Yna y dywedodd y brenin, pa anrhydedd, neu fawredd a wnaed i Mordocêus am hyn? a llangciau y brenin [sef] ei wenidogion ef a ddywedasant, ni wnaed dim erddo ef.

⁴Ar hynny y brenin a ddywedodd, pwy [sydd] yn y cyntedd? (a Haman a ddaethe i gyntedd tŷ y brenin nesaf allan i ddywedyd wrth y brenin am grogi Mordocêus ar y prenn yr hwn a barotôase efe iddo. )

⁵A llangciau y brenin a ddywedasant wrtho, wele Haman sydd yn sefyll yn y cyntedd: a dywedodd y brenin, deled efe i mewn.

⁶Pan ddaeth Haman i mewn, yna y dywedodd y brenin wrtho ef, beth a wneir i’r gŵr yr hwn y mae y brenin yn ewyllysio ei anrhydeddu? (yna Haman a ddywedodd yn ei galon: i bwy yr ewyssysia y brenin wneuthur anrhydedd yn fwy nac i mi?)

⁷A Haman a ddywedodd wrth y brenin y gŵr yr hwn y mae y brenin yn chwenychu ei anrhydeddu,

⁸Dygant wisc frenhinawl [iddo ef] yr hon yr ymwiscodd y brenin ynddi: a march yr hwn y marchogodd y brenin arno, ac yna rhodder brenhinawl goron am ei benn ef.

⁹A rhodder y wisc, a’r march yn llaw vn o dywysogion y brenin y rhai [yddynt] raglawiaid, a gwiscant am y gŵr yr hwn y mae y brenin yn chwenychu ei anrhydeddu: a pharant iddo farchogeth ar y march drwy heol y ddinas, a chyhoeddant oi flaen ef, Fel hyn y gwneir i’r gŵr yr hwn y mae y brenin yn chwenychu ei anrhydeddu.

¹⁰Yna y brenin a ddywedodd wrth Haman, bryssia, cymmer y wisc a’r march fel y lleferaist, a gwna felly i Mordoceus yr Iddew’r hwn sydd yn eistedd ym mhorth y brenin: na âd heb wneuthur ddim o’r hynn oll a leferaist.

¹¹Felly Haman a gymmerth y wisc, a’r march, ac a wiscodd am Mordocêus, gwnaeth hefyd iddo farchogeth drwy heol y ddinas, a gwaeddodd oi flaen ef, Fel hyn y gwneir i’r gŵr yr hwn y mae y brenin yn mynnu ei anrhydeddu.

¹²Yna y dychwelodd Mordocêus i borth y brenin: a Haman a yrrwyd iw dy yn alarus wedi gorchguddio ei benn.

¹³A Haman a adroddodd i Zeres ei wraig ac iw holl garedigion yr hyn oll a ddigwyddase iddo: yna ei ddoethion ef, a Zeres ei wraig a ddywedasant wrtho, os o hâd yr Iddewon [y mae] Mordocêus yr hwn y dechreuaist syrthio oi flaen ni orchfygi mo honaw, onid gan syrthio y syrthi oi flaen ef.

¹⁴Tra’r oeddynt hwy etto’n ymddiddan ag ef, stafellyddion y brenin a ddaethant: ac a gyrchasant Haman ar frys i’r wledd yr hon a wnelse Esther.