Read William Morgan Bible 1588 original edition Exodus 1 Bible Online

Exodus 1 - William Morgan Bible 1588 original edition bible

Exodus 1

¹1 Teulu Iacob yn yr Aipht. 8 Pharao newydd yn eu gorthrymmu hwynt 15 y byd-wragedd yn arbed meibion yr Hebræesau. 20 Duw yn ymgeleddu y byd-wragedd. Dymma henwau meibion Israel y rhai a ddaethant i’r Aipht: gyd ag Iacob y daethant bôb vn ai deulu.

²Ruben, Simeon, Lefi, ac Iuda,

³Issachar, Zabulon, a Beniamin.

⁴Dan, a Nephthali, Gad, ac Aser.

⁵A’r holl eneidiau a ddaethent allan o gorph Iacob oeddynt ddeng-henaid a thrivgain: ac Ioseph oedd yn yr Aipht.

⁶Ac Ioseph a fû farw, ai holl frodyr, a’r holl oes honno.

⁷A meibion Israel a hiliasant ac a gynnyddasant, amlhausant hefyd, a chryfhausant yn ddirfawr odieth: a’r wlâd a lawnwyd o honynt hwy.

⁸Yna y cyfododd brenin newydd yn yr Aipht: yr hwn nid adnabuse mo Ioseph.

⁹Ac efe a ddywedodd wrth ei bôbl: wele bobl meibion Israel yn amlach ac yn gryfach na nyni.

¹⁰Deuwch, gwnawn yn gall i’w herbyn: rhac amlhau o honynt, a phan ddigwyddo rhyfel ymgydio o honynt a’n caseion, a rhyfela i’n herbyn a myned i fynu o’r wlâd.

¹¹Am hynny y gosodasant feistred gwaith iw gorthrymmu ai clûd hwynt: a [phobl Israel] a adailadasant i Pharao ddinasoedd tressorau [sef] Pithom a Raamses.

¹²Ond fel y gorthrymment hwynt, felly’r amlhaent, ac y cynnyddent: a chyfyng oedd arnynt o herwydd meibion Israel.

¹³A’r Aiphtiaid a gaethiwasant feibion Israel yn dôst.

¹⁴A gwnaethant eu henioes hwynt yn chwerw drwy y gwasanaeth caled mewn clai, ac mewn priddfain, ac ym mhob gwasanaeth yn y maes; gyd ai holl wasanaeth yr hyn a ofynnasant ganddynt yn dôst.

¹⁵A brenin yr Aipht a lefarodd wrth fydwragedd yr Hebræesau: o ba rai henw vn [oedd] Siphra, ac henw’r ail Puah.

¹⁶Ac efe a ddywedodd, pan fyddoch fydwragedd i’r Hebræesau, a gweled o honoch eu hescoredd-le: os mab fydd lleddwch ef, ond os merch bydded hi fyw.

¹⁷Er hynny y byd-wragedd a ofnasant Dduw, ac ni wnaethant yn ol yr hyn a ddywedase brenin yr Aipht wrthynt: eithr cadwasant y bechgyn yn fyw.

¹⁸A’m hynny brenin yr Aipht a alwodd am y byd-wragedd, ac a ddywedodd wrthynt, pa ham y gwnaethoch y peth hyn’: ac y cadwasoch y bechgyn yn fyw?

¹⁹A’r byd-wragedd a ddywedasant wrth Pharao nad [oedd] yr Hebræesau fel yr Aiphtiesau: onid eu bôd hwynt yn fywioc, ac yr escorent cynn dyfod byd-wraig attynt.

²⁰A’m hynny y bu Duw dda wrth y byd-wragedd: a’r bobl a amlhaodd, ac a aeth yn gryf iawn.

²¹Ac o herwydd i’r byd-wragedd ofni Duw: yntef a wnaeth deuluoedd iddynt hwythau.

²²A Pharao a orchymynnodd iw holl bobl gan ddywedyd: pob mâb a’r a enir bwriwch ef i’r afon, ond cedwch yn fyw bob merch.