Read William Morgan Bible 1588 original edition Exodus 13 Bible Online

Exodus 13 - William Morgan Bible 1588 original edition bible

Exodus 13

¹1 Cyssegru y cyntafanedic i Dduw. 14 Bôd yn rhaid dyscu i’r plant beth yr oedd hynny yn ei arwyddocau 17 Duw yn arwein y bobl i’r ffordd bellaf. 19 Moses yn dwyn escyrn Ioseph gyd ag ef. 21 y golofn niwl a’r golofn dân. Llefarodd yr Arglwydd hefyd wrth Moses gan ddywedyd:

²Cyssegra i mi bôb cyntafanedig [sef] beth bynnac a agoro grôth [yn gyntaf] ym mysc meibion Israel o ddyn ac anifail: [canys] eiddof fi [yw] efe.

³Yna y ddywedodd Moses wrth y bobl cofiwch y dydd hwn [ar] yr hwn y daethoch allan o’r Aipht o dŷ y caethiwed, o blegit trwy law gadarn y dug yr Arglwydd chwi oddi yno: am hynny na fwytaer bara lefeinllyd.

⁴Heddyw yr ydych chwi yn myned allan: ar y mîs Abib.

⁵A phan ddygo yr Arglwydd di i wlad y Canaaneaid, a’r Hethiaid, a’r Amoriaid, yr Hefiaid hefyd, a’r Iebusiaid yr hon a dyngodd efe, wrth dy dadau y rhodde efe i ti [sef] gwlad yn llifeirio o laeth a mêl: yna y gwnei y gwasanaeth ymma ar y mîs hwn.

⁶Saith niwrnod y bwytei fara croiw: ac ar y seithfed dydd [bydded] gŵyl i’r Arglwydd.

⁷Bara croiw a fwyteir saith niwrnod: ac na weler bara lefeinllyd gyd a thi ac na weler gennit surdoes o fewn dy holl frô.

⁸A mynega i’th fab y dydd hwnnw gan ddywedyd: o herwydd yr hyn a wnaeth yr Arglwydd i mi pan ddaethum allan o’r Aipht [y gwneir hyn.]

⁹A bydded it yn arwydd ar dy law, ac yn goffadwriaeth rhwng dy lygaid, fel y byddo cyfraith yr Arglwydd yn dy enau: o herwydd a llaw gadarn y dug yr Arglwydd dydi allan o’r Aipht.

¹⁰A’m hynny cadw y ddeddf hon yn ei hamser nodedic: o flwyddyn i flwyddyn.

¹¹A phan ddygo’r Arglwydd di i wlâd y Canaaneaid megis y tyngodd efe wrthit, ac wrth dy dadau: ai rhoddi i ti,

¹²Yna y nailltui bôb cyntaf-anedig [o ddyn] i’r Arglwydd: ac [o] bôb cyntaf-anedic yr anifeiliaidy rhai a fyddant eiddo ti dôd y gwrwyiaid i’r Arglwydd.

¹³A phôb cyntafanedic i assyn a ryddheui di ag oen, ac oni ryddheui di [ef,] yna torfynygla ef, a phôb dŷn cyntaf-anedic o’th feibion a brynni di hefyd.

¹⁴A phan ofynno dy fâb yn ol hyn gan ddywedyd, beth [yw] hyn? yna dywet wrtho a llaw gadarn y dug yr Arglwydd ni allan o’r Aipht o dŷ y caethiwed.

¹⁵Canys pan oedd anhawdd gan Pharao ein gollwng ni y lladdodd yr Arglwydd bôb cyntaf-anedic yng-wlâd yr Aipht, o gyntaf-anedic dŷn, hyd gyntaf-anedic anifail: a’m hynny’r ydwyf yn aberthu i’r Arglwydd bôb gwryw cyntaf-anedic, ond pôb cyntaf-anedic o’m meibion a brynnaf.

¹⁶A bydded hynny yn arwydd ar dy law, ac yn ractalau rhwng dy lygaid: mai a llaw gadarn y dug yr Arglwydd ni allan o’r Aipht.

¹⁷A phan ollyngodd Pharao y bôbl ni arweiniodd yr Arglwydd hwynt drwy wlâd y Philistiaid er ei bôd hi yn nes: o blegit dywedodd Duw [edrychwn] rhac i’r bôbl edifarhau pan welant ryfel, a dychwelyd o honynt i’r Aipht.

¹⁸Ond Duw a arweiniodd y bôbl o amgylch trwy anialwch y môr côch: yn arfogion yr a’eth meibion Israel allan o wlâd yr Aipht.

¹⁹A Moses a gymmerodd escyrn Ioseph gyd ag ef: o herwydd efe a wnelse i feibion Israel gan ddywedyd: Duw a ymwel a chwi yn ddiau, dygwch chwithau fy escyrn oddi ymma gyd a chwi.

²⁰Yna’r aethant o Succoth: ac a werssyllasant yn Etham yng-hwrr yr anialwch.

²¹A’r Arglwydd oedd yn myned oi blaen hwynt y dydd mewn colofn o niwl iw harwein ar y ffordd, a’r nos mewn colofn o dân i oleuo iddynt: fel y gallent fyned ddydd a nos.

²²Ni syflodd efe y golofn niwl y dydd, na’r golofn dân y nôs, o flaen y bôbl.