Read William Morgan Bible 1588 original edition Exodus 22 Bible Online

Exodus 22 - William Morgan Bible 1588 original edition bible

Exodus 22

¹Cyfreithiau am ledrat. 5 Am sathaed. 7 Am beth a rodder at vn iw gadw. 13 Am echwyn, benthyg, a llôg. 15 Am halogi merch. 17 Am raib. 19 Am gau-dduwiaeth. 20 Am ddieithraid, gweddwon, ac ymddifaid. 24 Am Vsuriaeth. 25 Am wystl. 27 Am barch swyddogion. 28 Am ddegwm. Os lledratta vn ŷch, neu ddafad ai ladd neu ei werthu, taled bum ŷch am ŷch, a phedair dafad, am ddafad.

²Os ceir lleidr yn torri tŷ, ai daro fel y byddo farw, na [thyner] gwaed am dano.

³Os bydd haul wedi codi arno [tynner] gwaed am dano: cwbl daled [y lleidr,] oni bydd ganddo [beth i dalu] gwerther ef am ei ledrat.

⁴Os gan gael y ceir yn ei law ef y lledrat yn fyw o eidion neu assyn, neu ddafad, taled yn ddwbl.

⁵Os pawr vn faes, neu win-llan, ac anfon ei anifail i bori maes vn arall, taled o’r hyn goref yn ei faes, ac o’r hyn goref yn ei winllan.

⁶Os tân a dyrr allan, ac a gaiff afel ar ddrain, fel y difaer dâs o ŷd, neu ŷd ar ei droed neu faes: cwbl daled yr hwn a gynneuodd y tân.

⁷Os rhydd vn iw gymydog arian, neu ddodrefn i gadw, ai ledratta o dŷ’r gŵr, os y lleidr a geir taled yn ddwbl.

⁸Os y lleidr ni cheir, duger perchennog y tŷ at y swyddogion [i dyngu,] a estynnodd efe ei law ar dda ei gymydog.

⁹Am bob math ar gamwedd, am eidion, am assyn, am ddafad, am ddilledyn, [ac] am bob peth a gollo’r hwn y dywedo [vn mai] hwnnw yw efe: deued achos y ddau ger bron y swyddogion, a’r hwn y barno y swyddogion yn ei erbyn taled iw gymydog yn ddwbl.

¹⁰Os rhydd vn assyn, neu eidion, neu ddafad, neu vn anifail at ei gymydog i gadw, a marw o honaw, neu ei friwo, neu ei ddwyn o anfodd heb neb yn gweled:

¹¹Bydded llŵ’r Arglwydd rhyngddynt ill dau, a estynnodd [y ceidwad] ei law at dda ei gymydog: a chymmered ei berchennog [hynny] ac na wnaed [y llall] iawn,

¹²Os gan ledratta y lledratteuir ef oddi wrtho gwnaed iawn iw berchennog, 12b os gan ysclyfaethu yr ysclyfaethir ef, dyged ef yn destiolaeth, [ac] na thaled am yr hwn a ysclyfaethwyd.

¹³Ond os benthygia vn gan ei gymydog [ddim] ai friwo, neu ei farw, heb [fod] ei berchennog gyd ag ef: gan dalu taled.

¹⁴Os ei berchennoc [fydd] gyd ag ef: na wnaed iawn: os llôg [yw] efe, am ei lôg y daeth.

¹⁵Ac os huda vn forwyn yr hon ni ddyweddiwyd, a gorwedd gyd a hi: gan gynescaeddu cynhescaedded hi’n wraig iddo ei hun.

¹⁶Os ei thad a lwyr wrthyd ei rhoddi hi iddo, taled arian yn ol gwaddol morynion.

¹⁷Na chaffed rheibies fyw.

¹⁸Llwyr rodder i farwolaeth bob vn a orweddo gyd ag anifail.

¹⁹Lladder yn farw a abertho i dduwiau, onid i’r Arglwydd yn unic.

²⁰Na orthrymma, ac na flina y dieithr, canys dieithriaid fuoch yn nhîr yr Aipht.

²¹Na orthrymwch vn weddw, nac ymddifad,

²²Os gwnewch iddo ddim blinder (canys os gwaedda ddim arnaf, mi a lwyr wrandawaf ei waedd ef.

²³Fy nigofaint a ennyn, a mi a’ch lladdaf a’r cleddyf, a bydd eich gwragedd yn weddwon, a’ch plant yn ymddifaid.

²⁴Os nechwyni arian i’m pobl y rhai [ydynt] gyd a thi: na fydd fel occrwr iddynt, na ddod usuriaeth arnynt.

²⁵Os cymmeri ddilledyn dy gymydog ar wystl, dyro ef adref iddo erbyn machludo haul.

²⁶O herwydd hynny yn unic [sydd] iw roddi arno ef, hwnnw yw ei ddilledyn am ei groen ef: mewn pa beth y gorwedd? a bydd os gwaedda efe arnaf im wrando, canys trugarog ydwyf.

²⁷Na chabla swyddogion, ac na felldithia bennaeth dy bobl.

²⁸Nac oeda [dalu] dy ffrwythau sychion, a gwlybion, dod ti i mi y cyntaf-anedic o’th feibion.

²⁹Felly y gwnei am dy eidion [ac] am dy ddafad, saith niwrnod y bydd gyd ai fam, a’r wythfed dydd y rhoddi ef i mi.

³⁰A byddwch yn ddynion sanctaidd i mi, ac na fwyttewch gig wedi ei ysclyfaethu yn y maes, teflwch ef i’r cî.