Read William Morgan Bible 1588 original edition Exodus 26 Bible Online

Exodus 26 - William Morgan Bible 1588 original edition bible

Exodus 26

¹1 Llûn y babell. 31 Y llenn. 33 Llê’r Arch: 34 Lle y drugareddfa, a’r bwrdd, a’r canhwyll-bren. 36 Y llen ar ddrws y babell. Y Tabernacl hefyd a wnei di o ddêc llenn o sidan gwyn cyfrodedd, ac o sidan glâs, a phorphor, ac scarlat yn Gerubiaid o gywreinwaith y gwnei hwynt.

²Hŷd vn llenn [fydd] wyth gufydd ar hûgain, a llêd vn llenn [fydd] pedwar cufydd, yr vn mesur a fydd i’r holl lennî.

³Pum llenn a fyddant yng-lŷn bob vn wrth ei gilydd, a phum llenn [eraill] a fyddant yng-lŷn wrth ei gilydd.

⁴A gwna ddolennau o sidan glâs ar ymyl vn llenn, ar y cwrr yn y cydiad, ac felly y gwnei ar ymyl llenn eithaf, yn yr ail cydiad.

⁵Dêc dolen a deugain, a wnei di i vn llenn, a dêc dolen a deugain a wnei ar gwrr y llenn yr hon [a fyddo] yn yr ail cydiad: y dolennau a dderbyniant bob vn ei gilydd.

⁶Gwna hefyd ddêc derbyniad a deugain o aur, a chydia a’r derbyniadau y llenni bob vn wrth ei gilydd, fel y byddo yn vn tabernacl.

⁷A gwna lenni o [flew] geifr [i fod] yn babell-len ar y tabernacl, yn vn llenn ar ddêc a y gwnei hwynt.

⁸Hŷd vn llenn [fydd] dêc cufydd ar hugain, a llêd vn llen [fydd] pedwar cufydd, a’r vn mesur [fydd] i’r vn llen ar ddêc.

⁹A chydia bum llenn wrthynt eu hun, a chwe llenn wrthynt eu hun, a dybla y chweched lenn ar gyfer wyneb y babell-len.

¹⁰A gwna ddêc dolen a deugain ar ymyl y naill lenn ar y cwrr yn y cydiad [cyntaf], a dêc dolen a deugain ar ymyl y llenn [arall] yn yr ail cydiad.

¹¹A gwna ddêc derbyniad a deugain o brês; a dôd y derbyniadau yn y dolennau, a chylymma y babell-len fel y byddo yn vn.

¹²A’r gweddill a fyddo tros benn o lenn y babell-len [sef] yr hanner llenn weddill a adewir ar du cefn y tabernacl

¹³Fel [y byddo] o’r gweddill gufydd o’r naill dû, a chufydd o’r tu arall, o hŷd y babell-len: bydded y gweddill dros ddau ystlys y tabernacl o bob-tu iw orchguddio.

¹⁴A gwna dô i’r babell-len o grwyn hyrddod wedi eu lliwio yn gochion, a thô o grwyn daiar-foch yn vchaf.

¹⁵A gwna styllod o goed Sittim i’r tabernacl yn eu sefyll.

¹⁶O ddêc cufydd o hŷd [yn] yr styllen, ac o gufydd a hanner cufydd o lêd mewn pob styllen.

¹⁷[Bydded] dau dŷno i vn bwrdd, wedi gosod fel ffynn yscal, pob vn ar gyfer ei gylydd: felly y gwnei am holl fyrddau y tabernacl.

¹⁸A gwna styllod i’r tabernacl, vgain styllen o’r tu dehau, tu a’r dehau.

¹⁹A gwna ddeugain mortais arian tann yr vgain styllen, dwy fortais tann vn styllen iw dau dŷno, a dwy fortais tan styllen arall iw dau dŷno.

²⁰A [gwna] i ail ystlys y tabernacl, o du’r gogledd vgain styllen.

²¹A deugain mortais o arian [o fesur] dwy fortais tann bob styllen,

²²Hefyd i ystlys y tabernacl o du’r gorllewin y gwnei chwech styllen.

²³A dwy styllen a wnei i gonglau y tabernacl rhwng y ddau ystlys.

²⁴A byddant wedi eu cyssylldu oddi tanodd, byddant hefyd wedi eu cyd gydio oddi arnodd wrth vn fodrwy: felly y bydd iddynt ill dau, ŷn y ddwy gongl y byddant.

²⁵A byddant yn wyth styllen, ai morteisiau arian yn vn mortais ar bymthec, dwy fortais dann vn styllen, a dwy fortais tann styllen arall.

²⁶Gwna hefyd farrau o goed Sittim, pump i styllod vn ystlys i’r tabernacl.

²⁷A phum barr i styllod ail ystlys y tabernacl, a phum barr i ystlys y tabernacl o du’r gorllewin.

²⁸A’r barr canol [fydd[ yng-hanol yr styllod, yn barrio o gwrr i gwrr.

²⁹Goreura hefyd ag aur yr styllod, a gwna eu modrwyau o aur, i osod y barrau drwyddynt, goreura y barrau hefyd ag aur.

³⁰A * chyfot y tabernacl wrth ei bortreiad, yr hwn a ddangoswyd it yn y mynydd.

³¹A gwna wahân-len o sidan glâs, porphor ac scarlat, ac o sidan gwyn cyfrodedd yn [llawn] Cerubiaid o waith cywreint y gwnei hi.

³²A dod hi ar bedair colofn o [goed] Sittim wedi eu goreuro ag aur, ai pennau o aur, ar bedair mortais arian.

³³A dod y wahan-len wrth y derbynniadau, fel y gellech ddwyn yno o fewn y wahan-lenn Arch y destiolaeth, a’r wahan-lenn a wna wahan i chwi rhwng y cyssegr, a’r cyssegr sancteiddiolaf.

³⁴Dod hefyd y drugareddfa ar Arch y destiolaeth yn y cyssegr sancteiddiolaf.

³⁵A gosot y bwrdd o’r tu allan i’r wahan-lenn, a’r canhwyll-bren gyferbyn a’r bwrdd, ar y tu dehau i’r tabernacl: a dod y bwrdd ar du y gogledd,

³⁶A gwna gaead-lenn i ddrws y babell, o sidan glâs porphor, ac scarlat, ac o sian gwyn cyfrodedd o wniad-waith.

³⁷A gwna i’r gaead-len bum colofn, [o goed] Sittim, a goreura hwynt ag aur, ai pennau o aur, a bwrw iddynt bump mortais brês.