Read William Morgan Bible 1588 original edition Exodus 30 Bible Online

Exodus 30 - William Morgan Bible 1588 original edition bible

Exodus 30

¹Allor yr arogl-darth. 12 Treth y babell. 18 Y noe, neu yr golch-lestr prês. 23 Yr olew sanctaidd. 35 Defnydd yr arogl-darth. Gwna hefyd allor (i arogl-darthu arogl-darth: ) o goed Sittim y gwnei di hi.

²Pedairongl fydd hi, yn gufydd ei hŷd, ac yn gufydd ei llêd, a dau gufydd ei huchter: ei chyrn [fyddant] o honi ei hun.

³A goreura hi ag aur coeth, ai chaead ai hystlysau o amgylch, ai chyrn: gwna hefyd iddi goron o aur o amgylch.

⁴A gwna iddi ddwy fodrwy aur oddi tann ei choron wrth ei dwy gongl: ar ei dau ystlys y gwnei [hwynt] fel y byddant i wisco am drosolion iw dwyn hi arnynt.

⁵A’r trosolion a wnei di o goed Sittim: a goreura hwynt ag aur.

⁶A gosot hi o flaen y llenn yr hon [sydd] wrth Arch y destiolaeth: o flaen y drugareddfa, yr hon [sydd] ar y destiolaeth lle y cyfarfyddaf a thi.

⁷Ac arogl-darthed Aaron arni arogl-darth llyseuoc bob boreu, pan daclo efe y lusernau, yr arogl-dartha efe.

⁸Arogl-darthed Aaron hefyd yn y cyfnos, pan osotto y lusernau i fynu: [i fod] yn arogl-darth gwastadol ger bron yr Arglwydd drwy eich oesoedd.

⁹Nac offrymmwch arni arogl-darth dieithr, na phoeth offrwm, na bwyd offrwm: ac na thywelltwch ddiod offrwm arni.

¹⁰A gwnaed Aaron iawn ar ei chyrn vnwaith yn y flwyddyn a gwaed pech aberth yr iawn, vnwaith yn y flwyddyn y gwna efe iawn arni drwy eich oesoedd: sancteidd-beth cyssegredic i’r Arglwydd [yw] hi.

¹¹A’r Arglwydd a lefarodd wrth Moses gan ddywedyd.

¹²Pan rifech feibion Israel dan eu rhifedi yna rhoddant bob vn iawn am ei enioes i’r Arglwydd pan rifer hwynt: fel na byddo plâ yn eu plith pan rifer hwynt.

¹³Hynn a ddyru pob vn a elo tann rîf, hanner sicl, yn ol sicl sanctaidd: vgain Gerah [yw] yr sicl: hanner sicl [fydd] yn offrwm derchafel i’r Arglwydd.

¹⁴Pob vn a elo tann rîf o fab vgain mlwydd ac vchod, a rydd offrwm derchafel i’r Arglwydd.

¹⁵Na rodded y cyfoaethog fwy, ac na rodded y tlawd lai na hanner sicl: i roddi offrwm derchafel i’r Arglwydd, i wneuthur iawn tros eich enioes.

¹⁶A chymmer yr arian iawn gan feibion Israel, a dod ti hwynt i wasanaeth pabell y cyfarfod: fel y byddant yn goffadwriaeth i feibion Israel ger bron yr Arglwydd i fod yn iawn am eich enioes.

¹⁷A’r Arglwydd a lefarodd wrth Moses gan ddywedyd:

¹⁸Gwna noe bres, ai throed o brês i olchi: a dod hi rhwng pabell y cyfarfod a’r allor, a dod ynddi dwfr.

¹⁹A golched Aaron ai feibion o honi eu dwylo ai traed.

²⁰Pan ddelont i babell y cyfarfod, ymolchant a dwfr, fel na byddont feirw: neu pan ddelont wrth yr allor i weini gan arogldarthu aberth tanllyd i’r Arglwydd.

²¹Golchant eu dwylo ai traed fel na byddont feirw: a bydded [hynn] iddynt yn ddeddf dragywyddol, iddo ef, ac iw hâd, drwy eu hoesoedd.

²²Yr Arglwydd hefyd a lefarodd wrth Moses gan ddywedyd.

²³Cymmer it ddewis lyssiau, o’r Myrr pur [pwys] pum cant [sicl] a hanner hynny o’r Cinamon pur [sef pwys] deu cant, a dec a deugain [o siclau:] ac o’r Calamus peraidd [pwys] deucant a dec a deugain [o siclau.]

²⁴Ac o’r Casia [pwys] pum cant [o siclau] yn ol sicl sanctaidd: a Hinn o olew oliwydden.

²⁵A gwna ef yn olew eneiniad sanctaidd yn eli cymmyscadwy o waith yr apothecari: olew eneiniad sanctaidd fydd efe.

²⁶Ac eneinia ag ef babell y cyfarfod: ac Arch y destiolaeth.

²⁷Y bwrdd hefyd ai holl lestri, a’r canhwyll-bren ai holl lestri: ac allor yr arogl-darth.

²⁸Ac allor y poeth offrwm ai holl lestri, a’r noe ai throed.

²⁹A chyssegra hwynt fel y byddant yn sanctaidd bethau cyssegredic: pob peth a gyffyrddo a hwynt a sancteiddir.

³⁰Eneinia hefyd Aaron ai feibion: a sancteiddia hwynt i offeiriadu i mi.

³¹A llefara wrth feibion Israel gan ddywedyd: olew eneiniad sanctaidd a fydd hwn i mi trwy eich oesoedd.

³²Nac îrer ef ar gnawd dyn, ac ar ei waith ef na wnewch ei fath: sanctaidd yw, bydded sanctaidd gennych.

³³Pwy bynnac a gymmysco ei fâth, a’r hwn a roddo o honaw ef ar [ddŷn] dieithr: a dorrir ymmaith oddi wrth ei bobl.

³⁴Yr Arglwydd hefyd a ddywedodd wrth Moses cymmer it lyssiau [sef] blodau Myrr, Onycha, a Galbanum, y llyssiau [hynn,] a Thus pur: yr vn feint o bob vn.

³⁵A gwna ef yn arogl-darth arogl-ber o waith yr apothecari: yn gymmyscedic, yn bur ac yn sanctaidd.

³⁶Gan fâlu mâla ef, a dod o honaw ef ger bron [Arch] y destiolaeth o fewn pabell y cyfarfod, lle y cyfarfyddaf a thi: sancteidd-beth cyssegredic fydd efe i chwi.

³⁷A’r arogl-darth yr hwn a wnelech na wnewch i chwi eich hunain ei fath ef: bydded gennit yn gyssegredic i’r Arglwydd.

³⁸Pwy bynnac a wnel ei fath ef i arogldarthu o honaw: a dorrir ymmaith oddi wrth ei bobl.