Read William Morgan Bible 1588 original edition Exodus 8 Bible Online

Exodus 8 - William Morgan Bible 1588 original edition bible

Exodus 8

¹6 Plâ o lyffaint ar Pharao. 8 Yntef yn ceisio gwared o honynt. 13 Ac er cael heb fod yn well. 16 Y blâ o lau. 20 A’r blâ o amryw ormessiaid. 25 Pharao yn ceisio eu gwared. 31 Ac er cael heb wellhau. A dywedodd yr Arglwydd wrth Moses, dos at Pharao: a dywet wrtho, fel hyn y dywedodd yr Arglwydd, gollwng ymmaith fy mhobl, fel i’m gwasanaethant.

²Ac os gwrthodi di [eu] gollwng: wele mi a darawaf dy holl frô di a llyffaint.

³A [phob] afon a heigia o lyffaint, y rhai a ddringant, ac a ddeuant i’th dŷ, ac i stafell dy orweddle, ac ar dy wely: ac i dŷ dy weision, ac ar dy bobl, ac i’th ffyrnau, ac ar dy fwyd gweddill.

⁴A’r llyffaint a ddringant arnat ti, ac ar dy bobl, ac ar dy holl weision.

⁵Yr Arglwydd hefyd a ddywedodd wrth Moses, dywet wrth Aaron, estyn dy law gyd a’th wialen ar y ffrydoedd, ar yr afonydd, ac ar y camlesydd: a gwna i lyffaint ddyfod i fynu ar hyd tîr yr Aipht.

⁶Ac Aaron a estynnodd ei law ar ddyfroedd yr Aipht: a’r llyffaint a ddaethant i fynu ac a orchguddiasant dir yr Aipht.

⁷A’r swyn-wyr a wnaethant yr vn modd, trwy eu swynion: ac a ddugasant i fynu lyffaint ar wlad yr Aipht.

⁸Yna Pharao a alwodd am Moses, ac Aaron ac a ddywedodd, gweddiwch ar yr Arglwydd ar iddo ef dynnu y llyffaint oddi wrthifi ac oddi wrth fy mhobl: a mi a ollyngaf ymmaith y bobl fel yr aberthant i’r Arglwydd.

⁹A Moses a ddywedodd wrth Pharao, cymmer ogoniant gennifi, pa amser y gweddiaf trosot, a thros dy weision, a thros dy bobl, am ddifa y llyffaint oddi wrthit, ac o’th dai: ai gadel yn vnic yn yr afon?

¹⁰Ac efe a ddywedodd yforu: a dywedodd yntef yn ol dy air [y bydd,] fel y gwypech nad [oes neb] fel yr Arglwydd ein Duw ni.

¹¹A’r llyffaint a ymadawant a thi, ac a’th dai, ac a’th weision, ac a’th bobl: yn vnic yn yr afon y gadewir hwynt.

¹²Yna Moses ac Aaron a aethant allan oddi wrth Pharao: a Moses a lefodd ar yr Arglwydd o achos y llyffaint y rhai a osodase efe ar Pharao.

¹³A’r Arglwydd a wnaeth yn ol gair Moses: a’r llyffaint a fuant feirw o’r tai, o’r cynteddau, ac o’r meusydd.

¹⁴A chasclasant hwynt yn bentyrau: fel y drewodd y wlad.

¹⁵Pan welodd Pharao fod seibiant [iddo,] yna y caledodd ei galon, ac ni wrandawodd arnynt: megis y llefarase’r Arglwydd.

¹⁶A dywedodd yr Arglwydd wrth Moses, dywet wrth Aaron, estyn dy wialen, a tharo lwch y ddaiar: fel y byddo yn llau trwy holl wlad yr Aipht.

¹⁷Ac felly y gwnaethant, canys Aaron a estynnodd ei law gyd ai wialen, ac a darawodd lwch y ddaiar, a bu lau ar ddyn ac ar anifail: holl lwch y tîr oedd yn llau drwy holl wlad’r Aipht.

¹⁸A’r swynwyr a geisiasant wneuthur yr vn modd drwy eu swynion [sef] dwyn llau allan, ond ni allasant: felly y bu y llau ar ddŷn ac ar anifail.

¹⁹Yna y swyn-wyr a ddywedasant wrth Pharao, bŷs Duw [yw] hyn: etto caledase calon Pharao fel na wrandawe arnynt, megis y llefarase’r Arglwydd.

²⁰Yna y dywedodd yr Arglwydd wrth Moses cyfot yn foreu, a saf ger bron Pharao, wele efe a ddaw allan i’r dwfr: yna dywet wrtho, fel hynn y dywedodd yr Arglwydd, gollwng ymmaith fy mhobl, fel i’m gwasanaethant.

²¹O herwydd os ti ni ollyngi fy mhobl wele fi yn gollwng arnat ti, ac ar dy weision, ac ar dy bobl, ac i’th dai gymmysc-bla: a thai’r Aiphtiaid a lawnir o’r gymmysc-bla, a’r ddaiar hefyd yr hon [y delont] hwynt arni.

²²A’r dydd hwnnw y neillduafi wlad Gosen yr hon y mae fy mhobl yn aros ynddi, fel na byddo y gymmysc-bla yno: mai myfi’r Arglwydd [ydwyf] yng-hanol y wlad.

²³A mi a osodaf [arwydd] ymwared rhwng fy mhobl maufi a’th bobl di: y foru y bydd yr arwydd hwn.

²⁴A’r Arglwydd a wnaeth felly, canys daeth cymmysc-bla drom i dŷ Pharao, ac i dai ei weision: ac i holl wlad yr Aipht [fel] y llygrwyd y ddaiar gan y gymmysc-bla.

²⁵Yna Pharao a alwodd am Moses, ac Aaron: ac a ddywedodd, ewch, aberthwch i’ch Duw yn y wlad [hon].

²⁶A dywedodd Moses nid cymmwys gwneuthur felly, o blegit nyni a aberthwn i’r Arglwydd ein Duw beth ffiaidd gan yr Aiphtiaid: wele, os aberthwn ffieidd-beth yr Aiphtiaid yng-wydd eu llygaid hwynt, oni labyddiant hwy ni?

²⁷Taith tri diau’r awn i’r anialwch: ac nyni a aberthwn i’r Arglwydd ein Duw, megis y dywedodd efe wrthym ni.

²⁸A dywedodd Pharao, mi a’ch gollyngaf chwi fel yr aberthoch i’r Arglwydd eich Duw yn yr anialwch, ond nac ewch ymmhell: gweddiwch trosof.

²⁹A dywedodd Moses, wele, myfi a âf allan oddi wrthit, ac a weddiaf ar yr Arglwydd ar gilio’r gymmysc-bla oddi wrth Pharao ac oddi wrth ei weision, ac oddi wrth ei bobl y foru: ond na thwylled Pharao mwyach heb ollwng ymmaith y bobl i aberthu i’r Arglwydd.

³⁰Felly Moses aeth allan oddi wrth Pharao: ac a weddiodd ar yr Arglwydd.

³¹A gwnaeth yr Arglwydd yn ôl gair Moses; a’r gymmysc-bla a giliodd oddi wrth Pharao, oddi wrth ei weision, ac oddi wrth ei bobl: ni adawyd vn.

³²Er hynny Pharao a galedodd ei galon y waith honno hefyd: ac ni ollyngodd ymmaith y bobl.