Read William Morgan Bible 1588 original edition Iob 10 Bible Online

Iob 10 - William Morgan Bible 1588 original edition bible

Iob 10

¹Iob yn attolwg i Dduw ystyried wrth ei adfyd ef, ac edrych ar ei fuchedd ef: a byrhau ei oes rhac ei blyned. Marw ydwyf er fy mod yn fyw: arnaf fy hun y gadawaf fyng-hŵyn, ac yn chwerwder fy enaid y llefaraf.

²Dywedaf wrth Dduw, na farna fi yn euog: gwna i mi ŵybod pa ham yr ymrysoni a mi.

³Ai dâ i ti orthrymmu, a diystyru llafur dy ddwylaw? a llwyddo cyngor yr annuwolion?

⁴Ai llygaid o gnawd sy i ti? ai fel y gwêl dyn y gweli di?

⁵A ydyw dy ddyddiau di fel dyddiau dŷn? [a ydyw] dy flynyddoedd di fel blynyddoedd gŵr?

⁶Pan geisi fy anwiredd: a phan ofynni am fy mhechod?

⁷Ti a ŵyddost nad ydwyf euog: ac nid [oes] a waredo allan o’th law di.

⁸Dy ddwylaw di a’m gweithiasant, ac am cyd-wnaethant o amgylch: gan hynny a ddifethi di fi?

⁹Cofia attolwg mai fel clai y gwnaethost fi: ac i’r pridd y dygi fi drachefn.

¹⁰Oni thywelltaist fi fel llaeth? ac oni cheulaist fi fel caws?

¹¹Ti a’m gwiscaist i â chroen, ac â chnawd: ti a’m cyssylltaist fi ag escyrn, ac â giau.

¹²Bywyd, a thrugaredd a ddarperaist i mi, a’th ymgeledd a gadwodd fy yspryd.

¹³A’r rhai hynny a guddiaist di yn dy galon: [er hynny] gwn fod hyn [mewn côf] gennit.

¹⁴O phechais, ti a’m gwiliaist: ac ni’m glanhei oddi wrth fy anwiredd.

¹⁵Os ydwyf annuwiol gwae fi, ac os cyfiawn ydwyf [er hynny] ni chodaf fy mhen, [yr ydwyf morr] llawn o warthrudd, ac yn gweled fyng-hystudd.

¹⁶Cynnydded [fyng-hystudd,] hêla fi fel llew: er hynny ti a ddychweli, ac a wnei yn rhyfedd a mi.

¹⁷Yr wyt ti yn adnewyddu dy dystion i’m herbyn, ac yn amlhau dy ddigofaint wrthif: llawer, ac amryw [ddialeddau yddynt] arnaf.

¹⁸Pa ham gan hynny y dygaist fi allan o’r gro’th: [ô na] buaswn farw, fel na’m gwelse llygad.

¹⁹[O na] byddwn megis pe na buaswn: [ac na’m] ducsid o’r bru i’r bedd.

²⁰Ond ychydig [yw] fy nyddiau, peidied, cilied oddi wrthif: fel y cryfhauwyf ychydig.

²¹Cyn myned o honof lle ni ddychwelaf, i dîr tywyllwch a chyscod angeu.

²²Tir cyn dywylled a’r fagddu, [ac a] chyscod angeu, ac heb drefn: lle y mae y goleuni fel y tywyllwch.