Read William Morgan Bible 1588 original edition Iob 11 Bible Online

Iob 11 - William Morgan Bible 1588 original edition bible

Iob 11

¹Zophar yn ceryddu Iob am ymddyried yn ei gyfiawnder ei hun. 7 Gan ddangos anfeidroldeb doethineb Duw, ai gyfiawnder. 13 Efe yn cynghori Iob i edifarhau, gan ddangos fod daioni Duw yn barod i bawb onid i’r annuwiol anedifeiriol. A Zophar y Naamathiad a attebodd, ac a ddywedodd:

²Oni attebir yr aml o eiriau? ac a gyfiawnheuir gŵr siarâdus.

³Ai dy gelwyddau a wnânt i wŷr dewi? a phan watwarech oni bydd a’th wradwyddo?

⁴Canys dywedais, pur [ydyw] fy nysceidieth: a glân ydwyf yn dy olwg di.

⁵Ond ô na lefare Duw: ac [nad] agore efe ei wefusau yn dy erbyn,

⁶A mynegu i ti ddirgeledigaethau doethineb, mai dau cymmeint wrth gyfiawnder [a haeddaist]: cydnebydd gan hynny i Dduw dy anghofio di am dy anwiredd.

⁷A gei di ddyfnder [doethineb] Duw? a gei di berffeithrwydd yr Holl-alluog?

⁸Uwch na’r nefoedd [ydyw efe,] beth a wnei di? dyfnach nag vffern [yw efe,] pa fodd yr adweini di ef?

⁹[Mae] ei fesur ef yn hwy na’r ddaiar: ar yn llêd na’r môr.

¹⁰Os tyrr efe ymmaith, os carchâra efe: os cascla efe yng-hyd, pwy ai dychwel ef?

¹¹Canys efe a edwyn ofer ddynnion: ac a wêl anwiredd, oni ddeall efe gan hynny?

¹²Dyn gwag er hynny a gymmer arno ei fod yn ddoeth: er geni dŷn fel llwdn assyn wyllt.

¹³Os dydi a baratoi dy galon, ac a estynni dy ddwylaw atto ef.

¹⁴Od oes ddrygioni yn dy law, bwrw ef ymmaith ym-mhell: ac na ddioddef i anwiredd drigo yn dy luestai.

¹⁵Canys yna y codi dy wyneb o’r brychau: y byddi hefyd safadwy, ac nid ofni:

¹⁶Eithr ti a ollyngit ofid dros gôf: fel dyfroedd[y rhai]a aethant heibio y cofiit [ef.]

¹⁷Dy oedran hefyd a dderchafe vwch law [haul] hanner dydd: llewyrchit [a] byddit fel y borcu-ddydd.

¹⁸Hydêrus fyddit hefyd, canys bydde gobaith: pan gloddit luestfa y gorweddit mewn diogelwch.

¹⁹Yna ti a ellit orwedd, ac ni [bydde a’th] ddychrynne: a llawer a ymbilient a’th wyneb.

²⁰Llygaid yr aunuwolion a ddeffygiant, metha ganddynt ffoi: ai gobaith [fydd] gofid calon.