Read William Morgan Bible 1588 original edition Iob 12 Bible Online

Iob 12 - William Morgan Bible 1588 original edition bible

Iob 12

¹Iob yn datcuddio ynfydrwydd ei gyfeillion, ac yn cydnabod doethineb Duw, ai allu. Ac Iob a attebodd, ac a ddywedodd,

²Diau mai chwy chwi [sy] bobl: a chyd a chwi y bydd marw doethineb.

³Eithr [y mae] gennifi ddeall fel chwithau: nid ydwyfi waeth na chwithau, a phwy ni ŵyr y fath bethau a hyn?

⁴Yr ydwyf [fel vn a fydde] yn watworgerdd iw gyfell, yr hwn a eilw ar Dduw, ac efe ai hettyb: gwatworgerdd [yw] y cyfiawn [a’r] perffaith.

⁵Pentewyn diystyr ym meddwl y llwyddiannus [yw]’r hwn sydd barod i lithro oi draed.

⁶Luestai heddychol sydd i yspeil-wŷr, a diogelwch i’r rhai sydd yn cyffroi Duw: y rhai a gyfoethogodd Duw ai law.

⁷Ond gofyn yn awr i’r anifeiliaid, a hwynt a’th ddyscant, ac i ehediad yr awyr, a hwy a fynegant i ti.

⁸Neu ddywet wrth y ddaiar, a hi a’th ddysc: a physcod y môr a yspysant i ti.

⁹Pwy ni ŵyr am y rhai hyn oll, mai llaw’r Arglwydd ai gwnaeth hwy?

¹⁰Yr hwn [y mae] enioes pob peth byw yn ei law: ac anadl pob mâth ar ddyn.

¹¹Onid y glust a ddirnad ymadroddion, a’r genau a archwaetha ei fwyd?

¹²Doethineb [sydd] mewn henuriaid: a deall mewn hîr ddyddiau.

¹³Gyd ag ef [y mae] doethineb, a chadernid: cyngor, a deall [ydynt] eiddo ef.

¹⁴Wele efe a ddestruwia, ac nid adailedir: efe gae ar ŵr, ac nid agorir arno.

¹⁵Wele efe a attal y dyfroedd, a hwy a sychant: efe ai denfyn hwynt, a hwy a ddifethant y ddaiar.

¹⁶Gyd ag ef y mae nerth a doethineb: efe piau y twylledic, a’r twyllodrus.

¹⁷Efe sydd yn gwneuthur i gynghoriaid fyned yn anrhaith: ac efe a ynfyda farn-wŷr.

¹⁸Efe sydd yn datod rhwym brenhinoedd: ac yn rhwymo gwregis am eu lwynau hwynt.

¹⁹Efe sydd yn gwneuthur i dywysogion fyned yn anrhaith: ac a blyga y rhai cedyrn.

²⁰Efe sydd yn dwyn ymadrodd yr araithwŷr: ac yn dwyn synnwyr y rhai hên.

²¹Efe sydd yn tywallt diystyrwch ar dywysogion: ac yn gwanhaû y rhai cryfion o nerth.

²²Efe sy yn dadcuddio [pethau] dyfnion allan o dywyllwch: ac yn dwyn cyscod angeu allan i oleuni.

²³Efe sydd yn amlhau y cenhedloedd, ac efe ai destruwiau hwynt: efe sydd yn ehangu ar y cenhedloedd, ac efe ai dwg hwynt [i gyfyng-dra.]

²⁴Efe sydd yn dwyn calon pennaethiaid pobl y ddaiar: ac efe a wna iddynt hwy fyned ar gyfrgoll mewn gwag-le heb ffordd.

²⁵Hwynt a balfalant â thywyllwch, ac nid â goleuni: ac efe a wna iddynt hwy gyfeiliorni fel meddwyn.