Read William Morgan Bible 1588 original edition Iob 13 Bible Online

Iob 13 - William Morgan Bible 1588 original edition bible

Iob 13

¹Iob yn ymgystadlu ai gyfeillion mewn doethineb. 15 Gobaith Iob. 20 Ai ddeisyfiad ar Dduw. Wele fy llygad a welodd [hyn] oll: fyng-hlust a glywodd, ac ai deallodd.

²Mi a wn yn gystal a chwithau, nid ydwyf waeth na chwithau.

³Yn wîr myfi a lefaraf wrth yr Holl-alluog: ac yr ydwyf yn chwennychu ymrysymmu a Duw.

⁴Ond rhai yn iassio celwydd [ydych] chwi: meddygon diddim ydych chwi oll.

⁵Oh gan dewi na thawech: a [hynny] a fydde i chwi yn ddoethineb.

⁶Clywch attolwg fyng-herydd: a gwrandewch ar reswm fyng-wefusau.

⁷A ddywedwch chwi anwiredd tros Dduw? ac a ddywedwch chwi dwyll er ei fwyn ef?

⁸A dderbynniwch chwi ei wyneb ef: a ymrysonwch chwi tros Dduw?

⁹Ai da [fydd hyn] pan chwilio efe chwi? a dwyllwch chwi ef fel twyllo dyn?

¹⁰Gan geryddu efe a’ch cerydda chwi: os derbynniwch chwi wyneb yn ddirgel.

¹¹Oni ddychryna ei ardderchawgrwydd ef chwi? ac oni syrth ei arswyd ef arnoch?

¹²Cyffelyb i ludw [ydyw] eich coffadwriaeth chwi: a’ch cyrph chwi i gyrph o glai.

¹³Tewch yn fyng-ŵydd i fe l y llefarwyf inne: a deued arnaf yr hyn [a ddelo.]

¹⁴Pa ham y cymmeraf fyng-nhawd a’m dannedd? ac y gosodaf fy enaid yn fy llaw?

¹⁵Pe lladde efe fi, mi a obeithiwn ynddo ef: er hynny fy ffyrdd fy hun a argyoeddaf ger ei fron ef.

¹⁶Hefyd efe [sydd] yn iechydwriaeth i mi: canys ni ddaw rhagrithiwr yn ei ŵydd ef.

¹⁷Gan wrando gwrandewch fy ymadrodd: ac [ystyriwch a fynegwyf i’ch clustiau.

¹⁸Wele yn awr paratoais farn: gwn i’m cyfiawnheûir fi.

¹⁹Pwy ydyw [’r hwn] a ymryson a mi? canys yn awr [os] tawaf mi a drengaf.

²⁰Ond dau [beth] na wna di i mi: yna nid ymguddiaf rhagot.

²¹Pellhâ dy law oddi arnaf: ac na ddychrynned dy ddychryn fi.

²²Galw yna, ac myfi a atebaf: neu myfi a lefaraf, ac atteb di fi.

²³Pa faint o gamweddau, ac o bechodau sy yn ôl? par di i mi adnabod fyng-hamwedd a’m pechod.

²⁴Pa ham y cuddi di dy wyneb? a ymlidi di soflun sych?

²⁵A ddrylli di ddeilen escwydedic? a ymlidi di soflun sych?

²⁶Canys yr wyt ti yn scrifennu pethau chwerwon yn fy erbyn: ac yn gwneuthur i mi feddiannu [cosp] camweddau fy ieuengctid.

²⁷Ie yr ydwyt ti yn gosod fy nhraed mewn cyffion, ac yn gwilied fy holl lwybrau: [ac] yn peri [i’r cyffion] ymnoddi am fy ffêrau.

²⁸A’r cyfryw vn megis pydrni a heneiddia, fel dilledyn yr hwn a yssa gwyfyn.