Read William Morgan Bible 1588 original edition Iob 14 Bible Online

Iob 14 - William Morgan Bible 1588 original edition bible

Iob 14

¹Iob drachefn yn dangos fyrred, a blined oes dyn. Dyn [yr hwn] a aned o wraig [sydd] fyrr o ddyddiau, a llawn o hebbul.

²Fel bloedun y daw allan, ac y torrir ef ymmaith: ac efe a gilia fel cyscod, ac ni saif.

³A agori di dy lygaid ar y fath ymma? ac a ddygi di fi i gyfraith a thi?

⁴Pwy a rydd [beth] glân o [beth] aflan? neb.

⁵Ond [ydyw] ei ddyddiau ef wedi eu rhacderfynu? rhifedi ei fisoedd ef [ydynt] gyd a thi: [os] gwnaethost ei derfynau fel nad el efe trostynt,

⁶Trô oddi wrtho ef fel y gorphywyso, oni orphenno efe yn ewyllyscar ei ddydd fel gwâs cyflog.

⁷Canys y mae gobaith i bren er ei dorri y blagura efe etto: ac na phaid ei frig ef [athyfu.]

⁸Os heneiddia ei wreiddin ef yn y ddaiar: ac [os] marweiddia ei fon-cyff ef yn y pridd,

⁹Efe a flagura oddi wrth arogl dyfroedd: ac a fwrw ganghennau fel planhigin.

¹⁰Ond gŵr a fydd marw, ac a dorrir ymmaith: a dyn a drenga a pha le y [bydd] efe?

¹¹[Fel] y mae dyfroedd yn myned allan o’r môr: ac afon yn myned yn ddiyspydd, ac yn sychu:

¹²Felly gŵr a orwedd ac ni chyfyd, ni ddihunant, ac ni ddeffroant oi cwsc hyd oni byddir heb nefoedd.

¹³O na osodit fi mewn bedd, [na’m] cuddit fi hyd oni throit dy lid ymmaith: [na] osodit ti derfynniad i mi, a’m cofio.

¹⁴Os bydd gŵr marw, a fydd efe byw [drachefn?] disgwiliaf holl ddyddiau fy milwriaeth hyd oni ddelo fyng-hyfnewidiad.

¹⁵Gelwi, ac myfi a’th attebaf: hiraethi am waith dy ddwylaw.

¹⁶Canys yr awr hon y rhifi fyng-hamreu: nid oedi [gosp] am fy mhechod.

¹⁷Fyng-hamwedd a selied mewn côd: a thi a chwanegaist ar fy anwiredd.

¹⁸Ac yn wir mynydd yr hwn a syrthio a ddiflanna: a chraig a symmudir oi lle.

¹⁹Dyfroedd a dreuliant gerric, ti a godi trwy lifeiriant [o] bridd y ddaiar ei chnwd hi, yr hwn sydd yn tyfu o hono ei hun: felly’r wyt ti yn gwneuthur i obaith dŷn golli.

²⁰Yr wyt ti yn ei orchfygu ef yn dragywydd, fel yr elo efe ymmaith: ac yr wyt ti yn ei ddanfon ef i ffordd gan newidio ei wyneb ef.

²¹Ei feibion ef a gyfoethogi, ac nis gwybydd efe: a hwy a dlodir, ac ni ŵyr efe oddi wrthynt hwy.

²²Ond ei gnawd tra [fyddo] efe arno a ddoluria, ai enaid a alara [tra fyddo] ynddo ef.