Read William Morgan Bible 1588 original edition Iob 15 Bible Online

Iob 15 - William Morgan Bible 1588 original edition bible

Iob 15

¹Eliphaz yn beio ar Iob am annoethineb, a rhyfyg yn erbyn Duw, gan ddangos iddo gyfiawnder Duw yn cospi yr annuwiol. Yna Eliphaz y Themaniad a attebodd, ac a ddywedodd,

²A ettyb [gŵr] doeth wybodaeth o wynt? ac a leinw efe ei fol a dwyrein-wynt?

³A argyoedda efe a gair [yr hwn] ni fuddia? ac ag ymadroddion [y rhai] ni wna efe lessâd â hwynt.

⁴Yn ddiau ti a dorraist ymmaith ofn: yr ydwyt yn attal [dy] weddi [oddi] ger bron Duw.

⁵Canys dy enau sy yn dangos dy anwiredd: gan i ti ddewis tafod y rhai dichellgar.

⁶Dy enau sydd yn dy fwrw yn euog, ac nid myfi: a’th wefusau sydd yn testiolaethu yn dy erbyn.

⁷A aned tydi yn gyntaf dŷn? a lunied tydi o flaen y brynnau?

⁸A glywaist ti gyfrinach Duw? ac a atteli di ddoethineb gyd a thi?

⁹Beth a ŵyddost ti ar na’s gwyddom ni? [beth] a ddealli di heb fod hynny hefyd gennym ninnau?

¹⁰Y mae yn ein mysc ni hên, ac oedrannus hefyd: hynach o oedran na’th dâd ti.

¹¹Ai bychan gennit ti ddiddanwch Duw? neu a oes dim yn ddirgel ynot ti?

¹²Pa beth sydd yn dwyn dy feddwl oddi arnaf? a phaham yr amneidia dy lygaid?

¹³Gan i ti droi dy feddwl yn erbyn Duw: a dwyn y [fath] eiriau allan o’th enau?

¹⁴Pa beth [iw] dŷn i fod yn bûr: a’r hwn a aned o wraig i fod yn gyfiawn?

¹⁵Wele ni chafodd efe ffyddlondeb yn ei sainct: a’r nefoedd nid ydynt bûr yn ei olwg ef.

¹⁶Pa faint mwy ffiaidd, a drewedic [ydyw] dŷn, yr hwn sydd yn yfed anwiredd fel dyfroedd?

¹⁷Dangosaf i ti, gwrando arnaf: a’r hyn a welais a fynegaf.

¹⁸Yr hyn y mae gwyr doethion yn ei fynegu: ac nid ydynt hwy yn celu [yr hyn a gawsant] gan eu henafiaid.

¹⁹I’r rhai hynn y rhoddwyd y ddaiar yn vnic: ac ni ddaeth alltud yn eu plith hwy.

²⁰Holl ddyddiau’r annuwiol y bydd efe yn ymofidio: a [thros] rifedi y blynyddoedd y rhai a guddiwyd oddi wrth y cadarn.

²¹Llais ofnadwy [sydd] yn ei glustiau ef: mewn heddwch y daw y dinistrudd atto ef.

²²Ni chrêd efe ddychwelyd allan o dywyllwch: canys y mae efe yn canfod y cleddyf.

²³Y mae efe yn crwydro am fara lle [y byddo:] efe a ŵyr fod dydd tywyllwch yn barod wrth ei law.

²⁴Cystudd, a chyfyngdra ai brawycha ef: [ac] ai gorchfyga ef fel brenin parod i ryfel.

²⁵Canys efe a estynnodd ei law yn erbyn Duw: ac yn erbyn yr Holl-alluog yr ymnerthodd efe.

²⁶Efe a rêd yn y gwddf iddo ef: trwy dewdwr torrau ei dariannau.

²⁷Canys tôdd efe ei wyneb ai frasder: ac a wnaeth dyrch [o floneg] ar [ei] dynewyn.

²⁸A thrigodd mewn dinasoedd wedi eu dinistrio, [a] thai anghyfanneddol: y rhai oeddynt barod [i fod] yn garneddau.

²⁹Ni chyfoethoga efe, ni pheru ei olud ef ychwaith: ac nid ymestyn eu perffeithrwydd hwy ar y ddaiar.

³⁰Nid ymedu efe allan o dywyllwch, y fflam a wywa ei frig ef: ac efe a ymedu trwy yspryd ei enau ef.

³¹Ni chrêd [yr hwn] a dwylled drwy oferedd, mai oferedd fydd ei obr ef.

³²Efe a dorrir ymmaith cynn ei ddydd: ai gangen ni lassâ.

³³Efe a ddihidla ei rawn surion fel gwinwydden: ac a fwrw ei flodeun fel oli-wydden.

³⁴Canys cynnulleidfa rhacrith-wŷr sydd vnic: a thân a yssa luestai gwobr-wŷr.

³⁵O herwydd eu bol hwy a ddarpare dwyll, gan ymddwyn gofid, ac escor ar anwiredd.