Read William Morgan Bible 1588 original edition Iob 16 Bible Online

Iob 16 - William Morgan Bible 1588 original edition bible

Iob 16

¹Y rhagoriaeth oedd rhwng naturiaeth Iob, a naturiaeth ei gyfeillion. 7 Iob yn dangos pa sawl amryw ddrychineb a ddigwyddase iddo ef. 19 Ac yn cymmeryd Duw yn dyst oi ddiniweidtra. Ac Iob a attebodd, ac a ddywedodd,

²Clywais fel hyn lawer [gwaith:] cyssur-wŷr gofidus [ydych] chwi oll.

³Oni [cheir] diwedd ar eiriau ofer? neu pa beth sydd yn dy gryfhau di i atteb?

⁴A ddywedwn i fel chwithau, pe bydde eich enaid chwi yn lle fy enaid i, a gydiwn i â chwi mewn geiriau? a escydwn i fy mhen arnoch chwi?

⁵Mi a’ch cyssurwn chwi a’m genau: a symmudiad fyng-wefusau a luddie [eich gofyd.]

⁶Os llefaraf i, nid esmwythâ fy nolur: ac os peidiaf, nid llai fyng-ofid.

⁷Ond yn awr efe a’m blinodd i: anrheithiaist fy holl gynnulleidfa.

⁸A chroen-grychu o honot fi oedd yn destiolaeth: fyng-hulni a gododd yn fy erbyn, efe a destiolaetha yn fy wyneb.

⁹Ei ddigllondeb ef [a’m] rhwygodd, ac efe am gwrthwynebodd, efe a escyrnygodd ai ddannedd arnaf: fyng-wrthwynebwr a flaenllymmodd ei lygaid yn fy erbyn.

¹⁰Hwy a ledasant ei safnau yn fy erbyn, tarawsant fyng-hernau yn ddremygus: ymgasclasant yng-hyd yn fy erbyn.

¹¹Duw a’m caeuodd gyd a’r anwir: ac a’m trôdd i ddwylo’r annuwolion.

¹²Yr oeddwn yn oludog, ond efe a’m cystuddiodd, ac a ymaflodd yn fyng-wddf, ac a’m drylliodd yn chwil-friw: ac a’m cododd fi yn nôd iddo ei hun.

¹³Ei saethyddion ef sy yn fy amgylchu, y mae efe yn hollti fy arennau, ac nid ydyw efe yn arbed, y mae efe yn tywallt fy mustl ar y ddaiar.

¹⁴Y mae efe yn fy rhwygo a rhwygiad ar rwygiaid: y mae efe yn rhedeg yn fy erbyn fel cawr.

¹⁵Gwnîais sachlen ar fyng-hroen: ac halogais fyng-horn mewn pridd.

¹⁶Fy wyneb sy cyn futtred a’r clai gan ŵylo: a chyscod marwolaeth [sydd] ar fy amrantau,

¹⁷Er nad [oes] gam yn fy nwy-law: a [bod] fyng-weddi yn bûr.

¹⁸O ddaiaren na orchguddia di fyngwaed: ac na fydded lle i’m gwaedd.

¹⁹Wele hefyd yn awr fy nhyst yn y nefoedd: a’m testiolaeth-ŵr yn yr vchelder.

²⁰Fyng-hyfeillion [ydynt] gymmen [i’m herbyn:] fy llygad a ddiferodd [ddagrau] wrth Dduw.

²¹[O na] chai gŵr ymrysymmu a Duw, fel mab dŷn ai gyfaill.

²²Canys [fy] ychydig flynyddoedd a ddaethant: ac mi a rodiaf lwybr [ar hyd yr hwn] ni ddychwelaf.