Read William Morgan Bible 1588 original edition Iob 17 Bible Online

Iob 17 - William Morgan Bible 1588 original edition bible

Iob 17

¹Iob yn amddeffyn ei ddiniweidtra. Iob yn ewyllysio cael barn-gyfiawn am ei fuchedd. 5 Ac yn cwyno faint ei adfyd. Fy chwythad a lygrwyd, fy nyddiau a ddiffoddwyd, beddau [sy] barod i mi.

²Onid gwatwar-wŷr [ydynt] gyd a’m fi? a’m llygad sydd yn aros yn eu chwerwedd hwynt.

³Caniadhâ atolwg gyd-fachnio a mi: pwy [ydyw] efe [a] deru ei law yn fy llaw i?

⁴Canys cuddiaist eu calon hwynt oddi wrth ddeall: am hynny ni dderchefi di [hwynt.]

⁵Yr hwn a ddywed weniaith iw gyfeillion, llygaid ei feibion ef a ballant.

⁶Yn ddiau efe a’m gosododd yn ddihareb i’r bobl, fel y byddwn yn watwargerdd oi blaen hwynt.

⁷Am hynny y crychodd fy llygad gan ddigllonedd: [y mae] fy aelodau oll fel cyscod.

⁸Y rhai iniawn a synnant am hynn: a’r diniwed a ymgyfyd yn erbyn y rhagrithwŷr.

⁹Yna y cyfiawn a ddeil ei ffordd: a’r glân ei ddwylaw a chwanega gryfdwr.

¹⁰Ond dychwelwch chwithau oll, a deuwch atolwg: ac ni chafi [ŵr] doeth yn eich plith chwi.

¹¹Fy nyddiau aethant heibio, fy amcannion a dynned ymmaith: [a] meddyliau fyng-halon.

¹²Gosodant nos liw dydd, a’r goleuni cyfagos yn dywyllwch.

¹³Er a ddisgwiliaf, y bedd [fydd] tŷ i mi: mewn tywyllwch y cyweiriaf fyng-wely.

¹⁴Gelwais ar y pwll, ty di [yw] fy-nhad: [ac] ar y pryf, fy mam a’m chwaer [wyt.]

¹⁵A pha lê yn awr [y mae] fyng-obaith? pwy hefyd a genfydd fyng-oglud?

¹⁶[Fyng-obaith] a ddescyn gyd a mi i’r bedd: cyd-orphywyswn yn y llŵch.