Read William Morgan Bible 1588 original edition Iob 18 Bible Online

Iob 18 - William Morgan Bible 1588 original edition bible

Iob 18

¹Bildad yn beio ar Iob am dybied yn well o honaw ei hun nag oi gyfeillion. 5 Ac yn mynegu trychineb yr annuwiol, gan feddwl mai y cyfryw vn oedd Iob. A Bildad y Suhiad a attebodd, ac a ddywedodd,

²Pa [bryd] y derfydd eich ymadrodd? ystyriwch, wedi hynny ninneu a lefarwn.

³Pa ham y cyfrifed nyni fel anifeiliaid? [ac] yr ydym aflan yn eich golwg chwi?

⁴O yr hwn sydd yn rhwygo ei enaid yn ei ddigllondeb, ai er dy fwyn di y gadewir y ddaiar? neu y symmudir craig allan oi llê?

⁵Goleuni’r annuwolion a ddiffoddir yn hytrach: a gwreichionen ei dân ef ni lewyrcha.

⁶Goleuni a dywylla yn ei luesty ef: ai lusern a ddiffydd gyd ag ef.

⁷Camrau ei gryfdwr ef a gyfyngir: ai gyngor ei hun ai bwrw ef i lawr.

⁸Canys efe a ddanfonir i’r rhwyd erbyn ei draed: ac ar faglau y rhodia efe.

⁹Magl a ymeifl yn ei sodl [ef:] gwilliad fydd trêch nag ef.

¹⁰Hoenyn a guddied iddo ef yn y ddaiar: ai ddalfa ar y llwybr.

¹¹Braw fydd yn ei frawychu ef o amgylch: ac yn peri iddo ef gymmeryd ei draed.

¹²Ei gryfdwr ef a fydd newynog: a thrueni [fydd] parod wrth ei ystlys.

¹³Efe a yssa ei gryfdwr ei hun: angeu a fwrtu ei gryfdwr ef.

¹⁴Ei hyder ef a dynnir allan oi luestŷ: a [hynny] ai harwain ef at frenin dychrynniadau.

¹⁵[Arall] a drig yn ei luest ef, [canys] nid yr eiddo ef [ydyw:] brwmstan a wascerir ar ei drigfa ef.

¹⁶Ei wraidd ef a sychant oddi tanodd, ai frig ef a dorrir oddi arnodd.

¹⁷Ei goffadwriaeth ef a gollir o’r ddaiar, ac ni [bydd] enwiddo ef ar wyneb yr heol.

¹⁸Efe a wthîr allan oleuni i dywyllwch: efe a yrrir allan o’r byd.

¹⁹Ni [bydd] iddo ef fab, nac ŵyr ym mysc ei bobl: ac ni bydd [vn] wedi adel yn fyw yn ei drig-fannau ef.

²⁰Y rhai olaf a ryfeddasant o herwydd ei ddydd ef: a’r rhai blaenaf a gawsant fraw.

²¹Yn wir dymma drigleoedd yr anwir: ac dymma lê [y dŷn] nid edwyn Dduw.