Read William Morgan Bible 1588 original edition Iob 20 Bible Online

Iob 20 - William Morgan Bible 1588 original edition bible

Iob 20

¹Zophar yn dangos trychineb yr annuwiol, megis pe buase adfyd Iob am annuwioldeb. Yna Zophar y Naamathiad a attebodd, ac a ddywedodd:

²Am hynny y mae fy meddyliau yn peri i mi atteb: ac am [hynny] y [mae] brys arnaf.

³Yr ydwyf yn clywed cerydd gwradwyddus gennif: ond y mae yspryd fy neall yn peri i mi atteb.

⁴A wyddost ti hyn erioed? er pan osododd [Duw] ddŷn ar y ddaiar?

⁵Mai gorfoledd yr annuwolion [sydd] dros ychydig [amser:] a llawenydd y rhagrithwŷr dros funud awr.

⁶Pe cyrhaedde ei odidawgrwydd ef i’r nefoedd: a phe chyffyrdde ei benn ef a’r wybren,

⁷Efe a gollir yn dragywydd fel ei dom: y rhai ai gwelant ef a ddywedent, pa le y mae efe?

⁸Efe a eheda megis breuddwyd, fel nacheir ef: ac efe a ffŷ fel gweledigaeth y nos.

⁹Y llygad ai gwelodd ef ni chwanega [ei weled:] ai lê ni chenfydd ef mwy.

¹⁰Ei feibion ef a fodlonant dlodion: ai ddwy-law ef a roddant adref ei olud ef.

¹¹Ei escyrn ef sy’n llawn [o bechod] ei ieuengctid: a hwnnw a orwedd gyd ag ef yn y pridd.

¹²Os bydd drygioni yn felus yn ei enau ef: efe a gêla hwnnw dan ei dafod.

¹³Efe a arbed hwnnw, ac ni âd efe hwnnw: eithr efe a attal hwnnw o fewn taflod ei enau.

¹⁴Ei fwyd a drŷ yn ei emyscaroedd ef: bustl aspiaid [sydd] oi fewn ef.

¹⁵Efe a lyngcodd gyfoeth, ond efe ai chwda: Duw ai tynn allan oi fol ef.

¹⁶Efe a sugna wenwyn aspiaid: tafod gwiber ai lladd ef.

¹⁷Ni chaiff efe edrych ar ffrydau, afonydd, [ac] aberoedd o fêl, ac ymenin.

¹⁸Y mae efe yn rhoddi llafur adref heb ei fwynhau: fel golud a gyfnewidie efe, ac heb gael llawenydd o honaw.

¹⁹Canys drylliodd, a gadawodd dlodion: sclyfaethodd dŷ, ac nid adailadodd efe hwnnw.

²⁰O blegit nid adnabu efe [ddim] heddychol oi fewn: ni ddiangc efe ai ddymuniad [ganddo.]

²¹Ni [bydd dim] gweddill oi fwyd ef: am hynny ni ddisgwilir am ei ddâ ef.

²²Pan gyflawnir ei ddignoldeb ef, cyfyng [fydd] arno: llaw pob blinderoc a ddaw yn ei erbyn ef.

²³[Pan] fyddo efe ar lenwi ei fol, Duw a ddenfyn yn ei erbyn ef angerdd ei ddigofaint: ac ai glawia [hi] arno ef ym mysc ei fwyd ef.

²⁴Efe a ffŷ oddi wrth arfau o haiarn: bŵa o ddûr ai trywana ef.

²⁵Efe a dynn [gleddyf,] a [hwnnw] a ddaw allan oi gorph ef, a gloiw-lafn allan oi fustl ef: [felly] y daw dychryn arno ef.

²⁶Pob tywyllwch [a fydd] guddiedic yn ei ddirgeloedd ef, tân heb ei chwythu ai hyssa ef: yr hyn a weddillir yn ei luesty ef a ddrygir.

²⁷Y nefoedd a ddatcuddiant ei anwiredd ef: a r ddaiar a gyfyd yn ei erbyn ef.

²⁸Ffrwyth ei dŷ ef a symmud: hwy a redant i ffordd yn nydd ei ddigofaint ef.

²⁹Dymma ran dŷn annuwiol gan Dduw: a’r etifeddiaeth [yr hon a gaiff] efe gan Dduw am ei ymadrodd.