Read William Morgan Bible 1588 original edition Iob 22 Bible Online

Iob 22 - William Morgan Bible 1588 original edition bible

Iob 22

¹Eliphaz yn teuru mai am ei annuwioldeb y cospasid Iob, 6 Gan roddi yn ei erbyn ef fod yn anrhugarog i bob math ar ddyn, ai fod efe yn ammau rhagluniaeth Duw, ai lywodraeth. 21 Yna y mae Eliphaz yn cynghori Iob i edifarhau. Yna Eliphaz y Themaniad a attebodd, ac a ddywedodd:

²A wna gŵr lessâd i Dduw? iddo ei hun yn hytrach y gwna y synhwyrol lessâd.

³Ai digrifwch [ydyw] i’r Holl-alluog pan ymgyfiawnhech? neu ai êlw [ydyw] pan berffeithiech di dy ffyrdd?

⁴Ai rhac dy ofn y cerydda efe dydi: [neu] yr aiff efe gyd â thi i farn?

⁵Onid ydyw dy ddrygioni di yn aml? ac heb ddiwedd ar dy anwireddau?

⁶Canys cymmerit ŵystl gan dy frodyr yn ddiachos: a dioscit ddillad y rhai noethion.

⁷Ni roddit ddwfr iw yfed i’r lluddedic: a thi a attelit fara oddi wrth y newynoc.

⁸Y ddaiar hefyd oedd eiddo y gŵr cadarn: yr anrhydeddus a drige ynddi.

⁹Danfonit ymmaith wragedd gweddwon yn wag-law: a breichiau y rhai ymddifaid a ddryllit ti.

¹⁰Am hynny [y mae] maglau o’th amgylch: ac y mae ofn yn dy ddychrynu di yn ddisymmwth:

¹¹Neu dywyllwch rhac gweled o honot: a llawer o ddyfroedd a’th orchguddiant.

¹²Onid [ydyw] Duw yn vchelder y nefoedd? gwel hefyd benn y sêr mor vchel ydynt hwy.

¹³A ddywedi di gan hynny, pa fodd y gŵyr Duw? a farn efe drwy dywyllwch?

¹⁴Y cwmylau [ydynt] loches iddo ef, ac ni wel: ac y mae efe yn rhodio [ar] gylch y nefoedd.

¹⁵A ystyriaist i lwybr y byd, yr hwn a sathrodd ofer-wŷr [arno?]

¹⁶Y rhai a dorrwyd pan nid [oedd] eu hamser hwynt: afon a dywalltwyd ar eu sylfaen hwy.

¹⁷Hwynt a ddywedasant wrth Dduw, cilia oddi wrthym: a pha beth a wnaeth yr Holl alluog iddynt hwy?

¹⁸Ac efe a lanwase eu tai hwy o ddaioni: am hynny pell [fyddo] cyngor yr annuwolion oddi wrthifi.

¹⁹Y rhai cyfiawn a welant, ac a lawenychant: a’r diniwed ai gwatwar hwynt.

²⁰Gan na thorred ymmaith ein sylwedd ni: ac yssu o’r tân eu gweddill hwy.

²¹Ymarfer attolwg ag ef, a bydd heddychlon: o hyn y daw i ti ddaioni.

²²Cymmer y gyfraith attolwg oi enau ef: a gosot ei eiriau ef yn dy galon.

²³Os dychweli at yr Holl-alluog ti a adailedir: os symmudi anwiredd ym mhell oddi wrth dy luestai.

²⁴Gosodi [aur] mor aml a’r pridd: ac [aur] Ophir fel callestr yr afonydd.

²⁵A’r Holl-alluog fydd yn amddeffyn i ti: a thi a gei amldra o arian.

²⁶Os yna’r ymhoffi yn yr Holl-alluog: dithe a dderchefi dy wyneb at Dduw.

²⁷Ti a weddii arno ef, ac efe a’th wrendu di: tithe a dêli dy addunedau.

²⁸Pan ragluniech di beth, efe a sicrhâ [hynny] i ti: a goleuni a lewyrcha ar dy ffyrdd.

²⁹Pan ostynger hwynt yna y dywedi, [caf] oruchafiaeth: canys efe a achub y gostyngedic [ei] olwg.

³⁰Y diniwed a wareda yr ynys: a thrwy lendid dy ddwylaw di y gwaredir hi.