Read William Morgan Bible 1588 original edition Iob 23 Bible Online

Iob 23 - William Morgan Bible 1588 original edition bible

Iob 23

¹Iob yn atteb ei fod yn ewyllyscar i gymmeryd barn Duw, gan ddangos nad am annuwioldeb y daethe’r adfyd hwnnw iddo ef. Ac Iob a attebodd, ac a ddywedodd:

²Er bod fy ymadrodd heddyw yn chwerw: [a] bod fy nialedd yn drymmach na’m vchenaid,

³Oh nas adwaenwn, ac [nas] cawn ef: fel y deuwn at ei eisteddfa ef.

⁴Dadleuwn ger ei fron ef: a llawnwn fyng-enau a rhesymmau.

⁵Mynnwn ŵybod [a pha] eiriau i’m hattebe: a mynnwn ddeall pa beth a ddywede efe wrthif.

⁶A ymrysône efe â mi ag helaethrwydd [ei] gadernid? na [wnai:] ond efe a osode [nerth] ynof.

⁷Yno’r iniawn a ymrysymme ag ef: ac mi a ddiangwn byth gan fy marn-wr.

⁸Wele [os] ym mlaen yr âf nid ydyw efe [yno: os] yn ôl hefyd, nid ydwyf yn ei ganfod ef.

⁹[Os] ar y llaw asswy lle y mae efe yn gweithio ni chanfyddaf [ef:] [os] ar y llaw ddehau, y mae efe yn ymguddio, fel na chaf [ei] weled.

¹⁰Ond efe a edwyn fy ffordd, y mae efe yn fy mhrofi, myfi a âf allan fel aur.

¹¹Fy nhroed a ddilyn ei gerddediad ef: cedwais ei ffordd ef, ac ni ŵyrais.

¹²Nid ydwyf y chwaith yn cilio oddi wrth orchymyn ei wefusau ef: hoffais eiriau ei enau ef yn fwy n’am harferol [ymborth.]

¹³Y mae efe hefyd yn vn [air,] a phwy ai trŷ ef? y mae ei enaid ef yn chwennychu, ac efe a gyflawna.

¹⁴Canys efe a gyflawna’r hyn a orchymynnodd efe am danafi: ac [y mae] ganddo ef lawer o’r fath bethau a hyn.

¹⁵Am hynny y dychrynais rhag ei ofn ef: ystyriais, ac ofnais rhagddo ef.

¹⁶Canys Duw a feddalhâodd fyng-halon: a’r Holl-alluog a’m dychrynodd.

¹⁷O herwydd na thorrwyd fi ymmaith o flaen tywyllwch: ac [na] chuddiodd efe niwl o’m gŵydd.