Read William Morgan Bible 1588 original edition Iob 24 Bible Online

Iob 24 - William Morgan Bible 1588 original edition bible

Iob 24

¹Iob yn dangos na wyr y rhai duwiolaf mo ddirgelwch barnedigaethau Duw, onid ei fod efe pan fynno, ar modd a fynno yn cospi y drygionus: a hynny o’r diwedd yn ddigon dwys. Pa ham na chuddid yr amseroedd gan yr Holl-alluog? fel nas rhac-wele y rhai ydynt yn ei adnabod ef ei ddyddiau ef?

²Y mae [rhai] yn symmudo cerfynau: yn sclyfaethu defaid, ac yn ymborthi [arnynt.]

³Y maent yn gyrru assynnod yr ymddifad ymmaith: maent hwy yn cymmeryd ych y wraig weddw ar wystl.

⁴Maent hwy yn gwneuthur i’r anghenog droi allan o’r ffordd: [am hynny] tlodion y ddaiar a gyd-lechasant [rhagddynt.]

⁵Wele y maent [fel] assynnod gwylltion yn yr anialwch, yn myned allan iw gwaith gan geisio sclyfaeth yn foreu: y diffaethwch [sydd yn dwyn] iddynt fwyd, [ac] iw plant.

⁶Medant y maes yr hwn nid yw eiddynt: a gwin-llan yr annuwiol a gasclant hwy yn ddiweddar.

⁷Gwnant [i’r] tlawd leteu yn noeth heb ddillad: ac heb wisc mewn oerni.

⁸Gwlychant gan lifeiriant mynyddoedd: ac o eisieu diddosrwydd cofleidiant graig.

⁹Tynnant yr ymddifad oddi wrth y fron: cymmerant wystl gan y tlawd.

¹⁰Gwnaethant [iddo ef] fyned yn noeth heb ddillad: a dygasant ddyrneidiau [lloffa] y rhai newynog.

¹¹Y rhai sy yn gwneuthur olew rhwng eu parwydydd: [ac] sy yn sathru y cafnau gwîn ydynt yn sychedic.

¹²Y mae gwŷr yn griddfan o’r dref: ac y mae eneidiau y rhai lladdedic yn gweiddi, ac ni esid Duw ddial.

¹³Y rhai hynny sy ym mhlith y rhai ydynt yn gwrthwynebu goleuni, nid ydynt hwy yn adnabod ei ffyrdd ef: nid ydynt yn aros yn ei lwybrau ef.

¹⁴Gyd a’r goleuad y cyfyd y lleiddiad, ac y lladd efe y tlawd, a’r anghenog: a’r nôs y bydd efe fel lleidr.

¹⁵A llygad y godineb-wr sydd yn gwilied y cyfnos gan ddywedyd, ni chaiff llygad fyngweled: ac efe a esyd hûg ar ei wyneb.

¹⁶Y maent hwy yn cloddio trwy dai mewn tywyllwch: [y rhai] a nodasant iddynt eu hunain liw dydd, nid adwaenent hwy oleuni.

¹⁷Canys cyscod marwolaeth [ydyw]y borau iddynt hwy eu gyd: dychryn cyscod marwolaeth [yw] os gwybydd [neb.]

¹⁸Yscafn ydyw [’r anuwiol] ar wyneb y dyfroedd, melltigedic ydyw eu rhan-dir hwy ar y ddaiar: ni thry efe ei wyneb [at] ffordd y gwin-wŷdd.

¹⁹Fel y mae sychdwr, a gwres yn cippio dyfroedd eira: [felly y cippia] y bedd [y rhai] a bechasant.

²⁰Y tosturiol ai gollwng ef dros gof, melus gan y pryf ef, ni chofiir ef mwy: felly y dryllir anwiredd fel pren.

²¹Y mae efe yn dryllio yr amhlantadwy [yr hon] ni phlanta: ac nid ydyw efe yn gwneuthur daioni i’r wraig weddw.

²²Ar y mae efe yn tynnu rhai cedyrn wrth ei nerth: [pan] gododd efe nid oedd [neb] ddiogel oi enioes.

²³Er rhoddi iddo fod mewn diofalwch: etto [y mae] ei lygaid ef ar eu ffyrdd hwy.

²⁴Hwyntwy a dderchafwyd ychydig, ac a ddarfuant hefyd, hwynt a ostyngwyd, ac a escydwyd i lawr fel pawb [eraill:] ac a dorrwyd ymmaith fel pen twysen.

²⁵Ac onid [ydyw hyn] yn awr, pwy a’m gwnaiff i yn gelwyddoc? ac a esyd fy ymadrodd yn ddiddym?