Read William Morgan Bible 1588 original edition Iob 27 Bible Online

Iob 27 - William Morgan Bible 1588 original edition bible

Iob 27

¹Perffeithrwydd Iob: 7 Diwedd ei wrthwyneb-wyr ef. 12 A dialedd y rhai annuwiol oll. Ac Iob a barablodd eil-waith, ac a ddywedodd,

²Y mae Duw yn fyw [yr hwn] a symmudodd fy marn: a’r Holl-alluog [yr hwn] a ofidiodd fy enaid.

³Etto tra [fyddo] fy enaid ynof: ac yspryd Duw yn fy ffroenau,

⁴Ni ddywed fyng-wefusau anwiredd: ac ni thraetha fy nhafod dwyll.

⁵Na ato Duw i mi eich cyfiawnhau chwi: oni threngwyf ni symmudaf fy mherffeithrwydd oddi wrthif.

⁶Yn fyng-hyfiawnder yr ymeflais, ac nis gollyngaf hi: ni wradwydda fyng-halon [fi] byth.

⁷Bydd fyng-elyn fel yr annuwiol: a’r hwn fydd yn codi yn fy erbyn fel yr anwir.

⁸Canys pa obaith [sydd] i’r rhagrithiwr er elwa o honaw ef, pan dynno Duw ei enaid ef allan?

⁹A wrendu Duw ei lef ef, pan ddêlo cyfyngder arno ef?

¹⁰A ymlawenycha efe yn yr Arglwydd? a eilw efe Dduw bob amser?

¹¹Myfi a’ch dyscaf chwi am allu Duw: ni chelaf yr hyn sydd gan yr Holl-alluog.

¹²Wele chwychwi chwychwi oll a welsoch: a pha ham yr ydych chwi felly yn ofêra [mewn] oferedd?

¹³Dymma rann dŷn annuwiol gyd a Duw: ac etifeddiaeth y rhai traws [yr hon] a gafant hwy gan yr Holl-alluog.

¹⁴Os ei feibion ef a amlheuir [hwynt hwy a amlheuir] i’r cleddyf: ai hiliogaeth ef ni ddigonir â bara.

¹⁵Ei weddillion ef a gleddir ym marwolaeth: ai wragedd gweddwon ni ŵylant.

¹⁶Os pentyrra efe arian fel pridd: ac os paratoa efe ddillad fel clai,

¹⁷Efe a baratôa, ond y cyfiawn a wisc: a’r arian, y cyfiawn [ai] cyfranna.

¹⁸Efe a adailadodd ei dŷ fel gwyfn, ac fel bŵth [yr hwn] a wnai y gwili-ŵr.

¹⁹Y cyfoethog a hûna, ac nis cleddir, [vn a egyr ei lygaid, ac ni [bydd] efe.

²⁰Dychrynniadau ai goddiweddaut ef fel dyfroedd: corwynt ai cippia ef liw nôs.

²¹Y dwyrein-wynt ai cymmer ef i ffordd, ac efe a aiff ymmaith: ac ai teifl ef fel corwynt allan oi lê.

²²Ie [Duw] a deifl arno ef, ac nid arbed: gan ffoi efe a ffŷ rhag ei law ef.

²³[Pob dyn] a gûr ei ddwylaw arno ef: ac a chwibana arno ef allan oi lê.