Read William Morgan Bible 1588 original edition Iob 28 Bible Online

Iob 28 - William Morgan Bible 1588 original edition bible

Iob 28

¹Iob yn dangos morr anfeidrol yw doethineb Duw, ac anhawsed ei holrhein hi allan. Diau fod gwythien i’r arian: a lle i’r aur [yr hwn] a doddant hwy.

²Haiarn a dynnir allan o’r prîdd: ac [allan] o’r garreg y toddir prês.

³[Duw] sydd yn gosod terfyn ar dywyllwch, ac yn chwilio allan bob perffeithrwydd: [hyd yn oed] y meini [a guddiwyd mewn] tywyllwch, a chyscod angeu.

⁴Y mae yr afonydd yn torri allan yn erbyn y trigolion, [a’r dyfroedd] dyfnion vwch na dyn a giliasant.

⁵Y ddaiaren o’r hon y daw bara allan, y croiwyd megis tân tani.

⁶Ei cherrig hi [a fyddant] lê i Saphir: ai phriddellau yn aur.

⁷Llwybr [yw hwn] nid adnabu aderyn ef: ac ni chanfu llygad barcud ef.

⁸Yr hwn ni sathrodd cenawon llew: nid aeth hên lew trosto ef.

⁹Y mae efe yn estyn ei law ac y gallestr: y mae efe yn dymchwelyd mynyddoedd o’r gwraidd.

¹⁰Y mae efe yn peri afonydd dorri allan o’r creigiau: ac y mae ei lygad ef yn gweled pob peth gwerthfawr.

¹¹Y mae efe yn rhwymo’r afonydd rhag llifo: ac y mae efe yn dwyn dirgelwch allan i’r goleuni.

¹²O ba le gan hynny y ceir doethineb? a pha le y mae trigle deall?

¹³Ni ŵyr dŷn beth a dâl hi: ac ni cheir hi yn nhir y rhai byw.

¹⁴Y mae’r dyfnder yn dywedyd, nid [ydyw] hi ynofi: ac y mae’r môr yn dywedyd, nid [ydyw hi] gyd a myfi.

¹⁵Ni cheir hi er aûr pûr: ac ni ellir pwyso ei gwerth hi o arian.

¹⁶Ni chyffelybir hi i’r aur o Ophir: nac i’r Onix gwerthfawr, nac i’r Saphyr.

¹⁷Nid aur nac Adamant ai cystadla hi: na llestr o aur dilin [fydd] gydwerth iddi.

¹⁸Ni chofir y Cwrel, na’r Gabis, canys [gwell yw] caffaeliad doethineb na gemmau.

¹⁹Ni ellir cyffelybu y Topaz o Ethiopia iddi hi: ni chyd-brissir hi ag aur pûr.

²⁰Gan hynny o ba lê y daw doethineb? a pha lê y mae mangre deall?

²¹Canys hi a guddied oddi wrth lygaid pob dŷn byw: a hi a guddiwyd oddi wrth ehediaid y nefoedd.

²²Colledigaeth, a marwolaeth sydd yn dywedyd: ni a glywsom a’n clustiau sôn am dani hi.

²³Duw [yn vnic] sydd yn deall ei ffordd hi: ac efe a edwyn ei lle hi.

²⁴Canys y mae efe yn edrych ar eithafoedd y ddaiar: y mae efe yn gweled dann yr holl nefoedd.

²⁵Wrth wneuthur pwys i’r gwynt: pan bwysodd efe y dyfroedd mewn messur.

²⁶Pan wnaeth efe derfyn i’r glaw: a ffordd i fellt tarânau.

²⁷Yna efe ai gwelodd hi, ac ai mynegodd hi: efe ai paratodd hi, a hefyd efe ai chwiliodd hi allan.

²⁸Ac wrth ddŷn efe a ddywedodd, wele ofn Duw sydd ddoethineb: a chilio oddi wrth ddrwg sydd ddeall.