Read William Morgan Bible 1588 original edition Iob 29 Bible Online

Iob 29 - William Morgan Bible 1588 original edition bible

Iob 29

¹Iob yn hiraethu am y gwynfyd gynt. 12 Yn datcan ei fuchedd. 21 Ac yn mynegu ei barch. Yna Iob a barablodd trachefn, ac a ddywedodd.

²Oh na bawn i fel yn y misoedd o’r blaen: fel yn y dyddiau pan gadwe Duw fyfi.

³Pan wnae efe iw oleuni lewyrchu vwch fy mhen: wrth oleuni yr hwn y rhodiwn drwy dywyllwch.

⁴Pan oeddwn yn nyddiau fy ieuengtid, ac ymgeledd Dduw ac fy mhabell.

⁵Pan [oedd] yr Holl-alluog etto gyd a mi: a’m llangciau o’m hamgylch.

⁶Pan olchid fy nhraed ag ymenyn: a [phan] dywallde y graig arnafi afonydd o olew.

⁷Pan awn i allan i’r porth trwy’r dref: parwn baratoi fy eisteddfa yn yr heol.

⁸Llangciau a’m gwelent, ac a ymguddient: a henuriaid a gyfodent, ac a safent.

⁹Tywysogion a attalient eu ymadroddion: ac a osodent [eu] llaw ar eu genau.

¹⁰Pendefigion cymmen a ymguddient: ai tafod hwy a lyne wrth daflod eu genau.

¹¹Canys y glust [a’m] clywe a’m bendithie: 213 a’r llygad [a’m] gwele a destiolaethe o honof.

¹²Canys gwaredwn y tlawd yr hwn a fydde yn gweiddi: a’r ymddifad, a’r [hwn] ni [bydde] gynnorthwy-wr iddo.

¹³Bendith y colledig a ddeue arnaf: a gwnawn i galon y wraig weddw lawenychu.

¹⁴Gwiscwn gyfiawnder, a hithe a wisce am danafi: a’m barn [fydde] fel mantell, a choron.

¹⁵Llygaid oeddwn i’r dall: a thraed oeddwn i’r cloff,

¹⁶Tâd oeddwn i’r rhai anghenog: a’r cŵyn [yr hwn] nid adwaenwn, a chwiliwn i allan.

¹⁷Drylliawn hefyd gilddannedd yr anghyfiawn: a gwnawn iddo ef fwrw’r sclyfaeth allan oi ddannedd.

¹⁸Am hynny y dywedwn, byddaf farw yn fy nŷth: a byddaf morr aml [fy] nyddiau a’r tywod.

¹⁹Fyng-wreiddin [oedd] yn agored i’r dyfroedd: a’r gwlith a arhosodd yn fy mrig.

²⁰Fyng-ogoniant oedd îr gyd a mi: a’m bŵa a adnewydde yn fy llaw.

²¹Hwynt a wrandawent arnaf, ac a ddisgwilient: distawent am fyng-hyngor.

²²Ar ôl fy ymadrodd ni ddywedent hwy ailwaith: canys fy ymadrodd a ddifere arnynt hwy.

²³A hwy a’m disgwilient i fel glaw: ac a agorent eu genau fel [am] y diweddar-law.

²⁴Chwarddwn arnynt hwy, [ond] ni chredent: ac ni wnaent hwy i lewyrch fy wyneb syrthio.

²⁵Dewiswn eu ffordd hwynt, eisteddwn yn bennaf, a thrigwn fel brenin mewn llu: megis yr hwn a gyssuro rai galarus.