Read William Morgan Bible 1588 original edition Iob 3 Bible Online

Iob 3 - William Morgan Bible 1588 original edition bible

Iob 3

¹Iob yn rhegu dydd ei anedigaeth. 11 Ac yn chwennychu marwolaeth, 14 Lle y mae cyrchfa pob math ar ddyn, 17 A diwedd pob gofid bydol, 23 Yr hwn oedd drwm arno ef. Wedi hynny Iob a agorodd ei enau, ac a felldigodd ei ddydd.

²Canys Iob a lefarodd, ac a ddywedodd,

³Darfydded am y dydd i’m ganwyd ynddo: a’r nôs y dywedwyd, fe a ennillwyd gŵr.

⁴Bydded y dydd hwnnw yn dywyllwch, [a] Duw oddi vchod heb ei ystyried, ac na thywynned llewyrch arno.

⁵Ond tywyllwch, a chyscod marwolaeth ai halogo ef, ac arhosed cwmwl arno ef: gwnelont ef mor erchill a’r diwrnod chwerwaf allan.

⁶Cymmered niwl y nôs honno, na chydier hi a dyddiau y flwyddyn: ac na ddeued hi i rifedi y misoedd.

⁷Bydded y noswaith honno yn vnic: ac na fydded gorfoledd ynddi.

⁸A’r rhai a felldigant [eu] dydd, ac sy barod i gyffroi eu galar ai melldithio hi.

⁹A bydded sêr ei chyfddydd hi yn dywyll, disgwilied hi am oleuni, ac na [ddeued ddim:] ac na chaffed hi weled y wawr ddydd.

¹⁰Am na chaeodd hi ddryssau croth fy [mam,] ac na chuddiodd hi ofid oddi wrth fy llygaid.

¹¹Pa ham na bum farw [wrth ddyfod] o’r bru? [na] threngais [pan] ddaethum allan o’r groth?

¹²Paham y derbynnodd glinniau fyfi? a phaham [y cefais] fronnau i sugno?

¹³O herwydd [oni buase hynny] yn awr mi a gawswn orwedd, a gorphywys [a] huno, yna [y buase] llonyddwch i mi,

¹⁴Gyd a brenhinoedd, a chynghor-wŷr y ddaiar y rhai a adailadasant iddynt eu hunain [fannau] anghyfannedd.

¹⁵Neu gyd a thywysogion [ac] aur ganddynt: y rhai a lanwasant eu tai ag arian.

¹⁶Neu [pa ham] na’m cuddiwyd fel erthyl? [neu] megis plant bychain heb weled goleuni?

¹⁷Yno yr annuwolion a beidiant ai cyffro: ac yno y gorphywys y rhai lluddedic o nerth.

¹⁸Y rhai a gyd garcharwyd a gaent [yno] lonydd, [ac] ni chlywant lais y gorthrymmudd.

¹⁹Bychan a mawr [sydd] yno: a’r gwâs yr hwn a ryddhauwyd oddi wrth ei feistr.

²⁰Pa ham y rhoddir goleuni i’r hwn sydd mewn llafur? a bywyd i’r rhai gofidus?

²¹Y rhai sy’n disgwil am farwolaeth ac heb ei [chael,] er cloddio o honynt am dani hi yn fwy nac am dryssorau cuddiedic.

²²Y rhai a lawenychant mewn hyfrydwch: ac a orfoleddant pan gaffant y bedd.

²³[Pa ham y roddir goleuni] i’r gŵr yr hwn y mae ei ffordd yn guddiedic? ac y caeodd Duw arno?

²⁴O blegit o flaen fy mwyd y daw fy vchenaid: a’m rhuadau a dywelltir megis dyfroedd.

²⁵Canys yr hyn a ofnais a ddaeth attafi: a’r hyn a arswydais a ddigwyddodd i mi.

²⁶Ni bum lonydd na difraw, ac ni orphywysais: er hynny daeth cynnwrf [arnaf.]