Read William Morgan Bible 1588 original edition Iob 31 Bible Online

Iob 31 - William Morgan Bible 1588 original edition bible

Iob 31

¹Iob yn attolwg cael iniawn-farn: gan fynegu ei fuchedd dda oll. Myfi a wneuthum ammod a’m llygaid, nad edrychwn ar forwyn?

²Canys pa rann [sydd oddi wrth] Dduw oddi vchod? a [pha] etifeddiaeth [sydd oddi wrth] yr Holl-alluog o’r vchelder?

³Ond [oes] trychineb i’r anwir? a dieithr [ddinistr] i’r rhai sy yn gwneuthur anwiredd?

⁴Onid ydyw efe yn gweled fy ffyrdd i? ac [onid] ydyw efe yn cyfrif fyng-hamrau i?

⁵Os rhodiais mewn oferedd: ac [os] prysurodd fy nhroed i dwyllo,

⁶Pwysed fi mewn cloriannau cyfiawn: a mynned Duw ŵybod fy mherffeithrwydd.

⁷Os gŵyrodd fyng-herddediad allan o’r ffordd: a myned o’m calon ar ôl fy llygaid: neu lynu dim aflan yn fy nwy-law:

⁸Bwytaed arall yr hyn a hauwyf: a dadwreiddier fy hiliogaeth i.

⁹Os twylled fyng-halon at wraig: ac os cynllwynais wrth ddrws fyng-hymydog,

¹⁰Maled fyng-wraig inne i [ŵr] arall: a gorwedded eraill gyd a hi.

¹¹Canys scelerder ydyw hyn, ac anwiredd iw farnu ydyw efe.

¹²Canys tân ydyw efe a yssa oni anrheithio: ac efe a ddadwreiddiase fy holl ffrwyth.

¹³Os diystyrais farn fyng-wâs a’m gwasanaeth-ferch, pan ymrysonent hwy a myfi:

¹⁴Canys pa beth a wnawn pan gode Duw? a phan ymwele efe, pa beth a attebwn iddo?

¹⁵Ond yr hwn a’m gwnaeth i yn y grôth, ai gwnaeth yntef? a’r vn a’n cymhwysodd ni yn y bru?

¹⁶Os atteliais [ddim] o ddeisyfiad y tlodion: ac os gwneuthum i lygaid y wraig weddw ddeffygio,

¹⁷Ac os bwyteais fy mwyd yn vnic, ac oni fwytaodd yr ymddifad o honaw ef,

¹⁸(Canys efe a gynnyddodd [gyd â] mi fel [gyd â] thâd o’m hieuengtid: ac o grôth fy mam mi a dywysais y weddw. )

¹⁹Os gwelais [neb] yn marw o eisieu dillad: ac [am] nad [oedd] wisc i’r anghenog,

²⁰Os ei lwynau ef ni’m bendithiasant, ac [oni] chynhesodd efe gan gnû fy ŵyn i,

²¹Os codais fy llaw yn erbyn yr ymddifad, pan welwn fyng-hymmorth yn y porth:

²²Syrthied fy mhalfais oddi wrth fy yscwydd: a dryllier fy mraich allan o’r cymmal.

²³Canys ofn dinistr Duw [oedd] arnaf: o herwydd ni allwn [ddiangc] gan ei vchelder ef.

²⁴Os gosodais fyng-obaith [mewn] aur: ac os dywedais wrth aur coeth, fy ymddyried [wyt.]

²⁵Os llawenychais pan [fydde] fynghyfoeth yn aml: a phan gaffe fy llaw [gyfoeth] mawr.

²⁶Os edrychais ar yr haul pan dywynne: a’r lleuad yn cerdded yn odidog,

²⁷Os twyllodd fyng-halon yn guddiedic [iw haddoli:] ac [os] cussanodd fy llaw i fyng-enau:

²⁸Hyn hefyd [fuase] anwiredd iw barnu: canys gwadaswn Dduw oddi vchod.

²⁹[Felly] a lawenychais i am drychineb yr hwn a’m casâe i, ac a ymgodais pan ddigwyddodd drwg iddo ef?

³⁰Canys ni ddioddefais i daflod fyng-enau bechu: gan ofyn ei enioes ef drwy felldigo.

³¹Oni ddywedodd dynnion fy mwth i, pwy a ddyru oi gnawd ef? [er hynny] ni ddigonid ni.

³²Ni leteuodd dieithr-ddyn allan: agorais fy nrysau i’r fforddolion.

³³Ni thoais fyng-hamweddau fel Adda gan guddio fy anwiredd yn fy monwes,

³⁴Canys gallaswn orthrymmu tyrfa luosog, ond y teulu gwaelaf a’m dychryne i, fel y tawn heb fyned allan [o’m] drŵs.

³⁵Oh am vn a’m gwrandawe, wele fy nymyniad, yr Holl-alluog a destiolaetha gyd a mi er scrifennu o’m gwrthwyneb-wr lyfr [i’m herbyn.]

³⁶Oni ddygwn ef ar fy yscwydd: [oni] rwymwn ef yn [lle] coron i mi?

³⁷Mynegwn iddo ef rifedi fyng-hamrau: fel at dywysog y nessawn atto ef.

³⁸Os ydyw fy nhîr i yn llefain yn fy erbyn: ac [os] ydyw ei gwysau ef yn cyd-ŵylo,

³⁹Os bwyteais i ei gryfowr ef yn ddiardreth: ac [os] cystuddiais enaid ei berchennogion ef,

⁴⁰Deued yscall allan yn llê gwenith, a bulwg yn lle haidd: [felly] Y DIWEDDWYD GEIRIAV IOB.