Read William Morgan Bible 1588 original edition Iob 32 Bible Online

Iob 32 - William Morgan Bible 1588 original edition bible

Iob 32

¹Elihu (pan dawodd Iob ai dri chyfaill) yn gofyn canniad i ddywedyd ei feddwl. Felly y tri gŵr ymma a beidiasant ag atteb i Iob: am ei [fod] efe yn gyfiawn yn ei olwg ei hun.

²A digofaint Elihu mab Berachel y Buziad o genedl Ram a gynneuodd, ei ddigofaint ef a enynnodd yn erbyn Iob am farnu o honaw ef ei enaid yn gyfiawn ger bron Duw.

³Ai ddigofaint ef a gynneuodd yn erbyn ei dri chyfaill, am na chawsent hwy atteb, gan farnu o honynt hwy Iob yn euog.

⁴Elihu hefyd a arhosasse ar Iob yn ei eiriau: canys yr oeddynt hwy yn hynach nag ef o oedran.

⁵Pan welodd Elihu nad [oedd] atteb [cymmwys] gan y try-wŷr, yna y cynneuodd ei ddigofaint ef.

⁶Am hynny Elihu mab Barachel y Buziad a attebodd, ac a ddywedodd, ieuangc ydwyf o oedran, chwithau [ydych] henuriaid: am hynny’r arswydais, ac yr ofnais ddangos fyng-ŵybodaeth i chwi.

⁷Meddyliais [fel hyn,] dyddiau a draethant, alliaws o flynyddoedd a ddyscant ddoethineb.

⁸Ond y mae yspryd mewn dŷn: ac ysprydoliaeth yr Holl-alluog sydd yn gwneuthur iddynt hwy ddeall.

⁹Nid [gwŷr] mawrion fyddant ddoeth: ac nid henaf-gwŷr a ddeallant farn [yn vnic.]

¹⁰Am hynny y dywedais, gwrando fi: minne a ddangosaf fyng-ŵybodaeth.

¹¹Wele disgwiliais am [ddiwedd] eich geiriau, clust-ymwrandewais hyd oni [welais] eich deall chwi, tra y chwiliasoch chwi am eiriau.

¹²Ystyriais hefyd wrthych chwithau, ac wele nid [oedd vn] o honoch yn argyoeddu [Iob] gan atteb ei eiriau ef.

¹³Rhac dywedyd o honoch, ni a gawsom ddoethineb: y mae Duw yn ei chwalu ef, ac nid dŷn.

¹⁴Er na hwyliodd efe [ei] ymadroddion yn fy erbyn i: myfi ai hattebaf ef, ond nid fel yr attebasoch chwi.

¹⁵Hwy a ddychrynnasant, nid attebasant mwy: gwrthodasant lefaru.

¹⁶Wedi disgwil o honof, gan na lefarant, eithr sefyll heb atteb mwy,

¹⁷Minne a attebaf fy rhan, minne a ddangosaf fyng-ŵybodaeth.

¹⁸Canys yr ydwyf yn llawn geiriau: y mae yspryd ynof yn fyng-hymmell i.

¹⁹Wele fy mol [sydd] fel gwîn yr hwn nid agorid: y mae efe yn hollti fel costrêlau newyddion.

²⁰Dywedaf fel y cafwyf fy anadl: agoraf fyng-wefusau, ac attebaf.

²¹Ni dderbynniaf yn awr wyneb neb: ni ragrithiaf wrth ddyn.

²²Canys ni wn pe rhagrithiwn pa gynted i’m cymmere fyng-wneuthur-wr fi ymmaith.