Read William Morgan Bible 1588 original edition Iob 35 Bible Online

Iob 35 - William Morgan Bible 1588 original edition bible

Iob 35

¹Nad yw duwioldeb neu anuwioldeb yn dda, nac yn drwg i Dduw, onid i ddyn. 13 Ac na wrendu Duw ar bechadur. Ac Elihu a lefarodd, ac a ddywedodd:

²A gyfrifaist di yn llê iniondeb, ddywedyd o honot, [y mae] fyng-hyfiawnder i yn fwy na [chifiawnder] Duw?

³Os gofynni, pa lês a wnaiff [hynny] i ti [gan ddywedyd,] pa beth a ennillaf oddi wrth fy mhechod?

⁴Myfi a attebaf i ti eiriau, ac i’th gyfeillion gyd a thi.

⁵Edrych ar y nefoedd a gwêl: ac edrych ar y cwmylau [y rhai] ydynt vwch na thi.

⁶Os pechi, pa [niwed] a wnei di iddo ef? os aml fydd dy anwireddau, pa [fudd] a wnei di iddo ef?

⁷Os cyfiawn fyddi, pa beth a roddi di iddo ef? neu pa beth a gymmer efe o’th law di?

⁸I ŵr fel ty di dy annuwioldeb: ac i fab dŷn dy gyfiawnder a wna [ryw beth.]

⁹Hwynt a wnant wrth fawredd i’r gorthrymmedic lefain: hwy a floeddiant rhac braich gwŷr mawr.

¹⁰Ond ni ddywed [neb,] pa lê y mae Duw’r hwn a’m gwnaeth i? yr hwn sydd yn rhoddi achosion i ganu y nôs [iddo ef.]

¹¹Yr hwn sydd yn ein discu yn fwy nag anifeiliaid y ddaiar: ac yn ein gwneuthur yn ddoethach nag ehediaid y nefoedd.

¹²Yna hwy a waeddant rhac balchder y rhai drwg, ac ni chlyw efe.

¹³Diau na wrendu Duw oferedd: ac nad edrych yr Holl-alluoc arno.

¹⁴Er dywedyd o honot [oh Dduw] nid edrychi di ar hyn: [y mae] barn ger ei fron ef, disgwil di wrtho ef.

¹⁵Ac yn awr am nad ymwelodd ei ddigofaint ef, ac na fynnodd efe ŵybod y dirfawr amldra [o bechodau,]

¹⁶Am hynny y llêda Iob ei safn [mewn] oferedd: ac yr amlhâ efe eiriau heb ŵybodaeth.