Read William Morgan Bible 1588 original edition Iob 36 Bible Online

Iob 36 - William Morgan Bible 1588 original edition bible

Iob 36

¹Elihu yn dangos gallu, doethineb, a thrugaredd Dduw. Ac Elihu a lefarodd, ac a ddywedodd:

²Disgwil wrthif ychydig, ac myfi a fynegaf i ti: canys [y mae] gennif ymadroddion etto tros Dduw.

³O bell y cymmeraf fyng-ŵybodaeth: ac i’m gwneuthur-wr y rhoddaf fi gyfiawnder.

⁴Canys yn wîr nid celwydd fydd fy ymadroddion: [y mae vn] perffaith o ŵybodaeth gyd a thi.

⁵Wele cadarn ydyw Duw, ac ni ddiystyra efe [neb:] cadarn o gadernid a doethineb [yw efe.]

⁶Nid achub efe fywyd yr annuwiol: ac efe a rydd iniondeb [i’r] trueniaid.

⁷Ni thynn efe ei olwg oddi ar y cyfiawn, eithr efe ai gesyd hwynt gyd a brenhinoedd ar yr orsedd-faingc yn dragywydd, ac felly y derchefir hwynt.

⁸Ac os hwy wedi eu rhwymo â gefynnau, a gaethiwir â rhaffau gorthrymder,

⁹Yna efe a ddengys iddynt hwy eu gwaith: a’r modd y gorthrechodd eu hanwireddau hwynt.

¹⁰Ac a egyr eu clustiau iddynt hwy i [dderbyn] cerydd: ac a ddywed am droi o honynt hwy oddi wrth anwiredd.

¹¹Os gwrandawant hwy, ac [os] gwasanaethant hwy [ef,] hwynt a dreuliant eu dyddiau mewn daioni, ai blynyddoedd mewn hyfrydwch.

¹²Ac oni wrandawant, cleddyf a aiff trwyddynt hwy: a hwynt a drengant heb ŵybod.

¹³Ond y rhai rhagrithiol o galon a chwanêgant ddig: ni waeddant [arno ef] pan rwymo efe hwynt.

¹⁴Eu henaid hwythau fydd marw mewn ieuengetid: ai bywyd gyd a’r puttein-wŷr.

¹⁵Efe a wared y truan oi orthrymder: ac a egyr eu clustiau hwynt mewn gorthrymder.

¹⁶Felly hefyd efe a’th wthiase di o enau cyfyngdra i ehangder, dann yr hwn ni [buase] wascfa: a saig dy fwrdd di [fuase] yn llawn brasder.

¹⁷Ond ti a gyflawnaist farn yr annuwiol: [am hynny] barn a chyfiawnder [a’th] ddaliant.

¹⁸Pan [ddigwyddo] digofaint [gochel] rhac gyrru o honaw ef dydi ymmaith yn [dy] gyfoeth, ac na’th waredo iawn mawr.

¹⁹A brissia efe ar dy olud ti? ni [phrissia efe] ar aur, nac ar holl gadernid nerth.

²⁰Na fefyria liw nos pa fodd y torrir ymmaith pobloedd oi llê.

²¹Ymochel, nac edrych ar anwiredd, canys hynny a ddewisaist o flaen cystudd.

²²Wele Duw ai nerth a dderchafa: pwy sydd yn dyscu fel ef?

²³Pwy a orchymynnodd ei ffordd ef iddo? a phwy a ddywed, gwnaethost anwiredd.

²⁴Cofia am fawrhau o honot ei waith ef: ar yr hwn yr edrych dynion.

²⁵Yr hwn a welodd pob dŷn: ac a ganfu dŷn o bell.

²⁶Wele mwy [ydyw] Duw nac y gwyddom ni: ac ni fedrir chwilio allan nifer ei flynyddoedd ef.

²⁷Canys efe a wna y defnynnau dyfroedd yn fân, [y rhai] a dywalltasant law oi gwmwl ef,

²⁸Pan ddiferodd yr wybrennau i lawr [pan] ddefnynnasant hwy ar ddynion lawer.

²⁹Hefyd a ystyria [dŷn] danadau y cwmylau: [a] thwrwf ei babell ef?

³⁰Wele efe a dânodd ei oleuni arno: ac a orchguddiodd waelod y môr.

³¹Canys â hwynt y barna efe y bobloedd: [ac] y rhydd efe fwyd yn helaeth.

³²Efe a orchguddia oleuni â chwmylau [megis] a dwylaw: ac efe a rydd orchymyn yn erbyn hynny er mwyn cyfryng-wr.

³³Efe a ddengis ei garedigrwydd iddo ef, i anifeiliaid hefyd, [ac] i ffrwyth [y ddaiar.]