Read William Morgan Bible 1588 original edition Iob 39 Bible Online

Iob 39 - William Morgan Bible 1588 original edition bible

Iob 39

¹Duw yn dangos ei allu i Iob yn yr assyn wyllt, yr vnicorn, a’r march. A adwaenost ti yr amser i eifr gwylltion i fwrw rhai bychain? a wilii di [’r amser] y bwrw’r ewîgod loi?

²A gryfrifi di y misoedd y [rhai] a gyflawnant hwy? ac a adwaenost ti’r amser pan fwriant hwy rai bychain?

³Pa fodd y gorweddant, y bwriant hwy eu llydnod, [ac] yr ymadawant ai gofid?

⁴[Pa fodd] yr ymgryfhâ eu llydnod hwy, y cynnyddant hwy yn y maes? yr ânt hwy allan, ac ni ddychwelant attynt hwy?

⁵Pwy a ollyngodd anifail gwyllt yn rhydd? a phwy a ddatododd rwymau’r assyn wyllt?

⁶[Myfi] yr hwn a osodais yr anialwch yn dy iddo: a’r morfa yn drigfa iddo ef.

⁷Efe a chwardd am [benn] gwerin tref: ni wrendu efe ar lais geilwad.

⁸Cilfachau mynyddoedd [ydyw] ei borfa ef: ac efe a gais bob glas-wellt.

⁹A gydtuna’r vnicorn i’th wasanaethu di? a crys efe tros nos wrth dy bresêbau di?

¹⁰A rwymi di vnicorn ai did mewn rhŷch? a lyfna efe ddolydd ar dy ôl di?

¹¹A ymddyriedi di iddo ef er bod ei gryfdwr ef yn fawr? a adewi di dy lafur iddo ef?

¹²A gredi di iddo ef, y dŵg efe dy hâd ti drachefn? ac y cascl efe i’th lawr-dyrnu di?

¹³[A roddaist ti] adenydd hyfryd i’r peunod? neu adenydd a phlû i’r Estris?

¹⁴Canys hi a âd ei hwyau ar y ddaiar: ac ar y pridd y cynhesa hi [hwynt.]

¹⁵Ac y mae hi yn gollwng tros gof y galle troed eu dryllio hwynt: neu anifail y maes eu sathru hwynt.

¹⁶Caled yw hi wrth ei chywion, [fel pe] na [byddent] eiddo hi: ei gwaith hi [sydd] yn ofer, ac yn ddifraw.

¹⁷Canys Duw a wnaeth iddi hi ollwng doethineb dros gof: ac ni chyfrannodd iddi hi ddeall.

¹⁸Yn y cyfamser ac yr ymgodo hi yn vchel: hi a ddiystyra y march, ai farchog.

¹⁹A roddaist ti gryfdwr i farch: neu a ddyscaist iddo ef werŷru?

²⁰A ddychryni di ef fel celiog rhedyn? dychryn [ydyw] ardderchawgrwydd ei ffroen ef.

²¹[Ei draed ef] a gloddiant mewn glynn, ac efe a lawenycha o [wir] gryfdwr: efe a aiff allan i gyfarfod arfau.

²²Efe a ddiystyra arswyd: canys ni ddychryna efe, ac ni ddychwel efe rhag ofn cleddyf.

²³[Pan] drystio cawell saethau arno ef: pan ddisclaerio gwaiw-ffon neu laif:

²⁴[Yna] mewn cynnwrf a dychryn y cloddia efe y ddaiar: ac ni chred mai llais yr vdcorn [a glyw efe.]

²⁵Pan [glywo] efe vdcorn, efe a weryra, ac efe a arogla o bell ryfel, [a] chynnwrf tywysogion, a gwaedd.

²⁶Ai trwy dy ddeall di’r ehêda y gwalch: [ac] y llêda efe ei adenydd tua’r dehau?

²⁷Ai wrth dy orchymyn di’r ymgyfyd eryr, ac y derchafa efe ei nŷth?

²⁸Y trig efe, ac yr erys [mewn] craig: [ac] ar fin craig megis [mewn] castell?

²⁹O ddi yno y chwilia efe am fwyd: ei lygaid ef a ganfyddant o bell.

³⁰Ei gywion ef hefyd a sugnant waed: a lle [y byddo] celanedd yno [y bydd] efe.

³¹Yr Arglwydd hefyd a attebodd Iob, ac a ddywedodd:

³²Ai dysceidieth yw ymryson a’r Holl-alluog? attebed argyoedd-wr Duw i hynny.

³³Ac Iob a attebodd yr Arglwydd, ac a ddywedodd,

³⁴Wele gwael ydwyf, i ba beth yr attebaf i ti? mi a osodais fy llaw ar fyng-enau.

³⁵Dywedais vn-waith ond nid attebaf [mwy:] ac eil-waith ond ni chwanegaf.