Read William Morgan Bible 1588 original edition Iob 4 Bible Online

Iob 4 - William Morgan Bible 1588 original edition bible

Iob 4

¹Eliphaz yn ceryddu Iob am ei fod yn anioddefgar. 7 Ac yn ymddyried yn ei gyfiawnder ei hun. Yna Eliphaz y Themaniad a attebodd, ac a ddywedodd:

²Pe profem ni [ddywedyd] gair ŵrthit ti a fydde blîn gennit ti? ond pwy a all attal [ei] ymadroddion?

³Wele ti a ddyscaist lawer, ac a siccrheaist ddwylo wedi llaesu.

⁴Dy ymadroddion di a godasant i fynu yr hwn oedd yn llithro: a thi a nerthaist y gliniau y rhai oeddynt yn cammu.

⁵Blin gennit ti am ddyfod [hyn] i ti’n awr: cyffroaist [pan] gyffyrddwyd a thi.

⁶Onid [dymma] dy ofn di, dy hyder di, dy obaith di, a pherffeithrwydd dy ffyrdd di?

⁷Cofia atolwg pwy [ac] efe’n ddiniwed a gollwyd? a pha lê y torrwyd y rhai iniawn ymmaith?

⁸Hyd y gwelais i, y rhai a arddent oferedd, ac a hauent flinder, ai medent.

⁹Gan anadl Duw y difethid hwynt, a chan chwythad ei ffroenau ef y darfyddent hwy.

¹⁰Rhuad llew, a llais llewes, a dannedd cenawon llewod a dynnwyd.

¹¹Y llew a fethodd o eisieu sclyfaeth: a chenawon y llew mawr a wascarwyd.

¹²Ac attafi y dygwyd gair yn ddirgel: am clust a dderbynniodd ychydig o honaw.

¹³Ym mhlith meddyliau [yn dyfod] o weledigaethau y nôs: pan syrthio trym-gwsc ar ddynion:

¹⁴Ofn a ddaeth arnaf, a dychryn: ac a wnaeth i’m holl escyrn grynu.

¹⁵A’r gwynt a aeth heibio o flaen fy wyneb: ac a wnaeth i flew fyng-nhawd sefyll yn hyll.

¹⁶Efe a safodd, ac nid adwaenwn ei agwedd ef, drychiolaeth [oedd efe] gyferbyn a’m llygaid: ac yn ddistaw mi a glywais y llef [ymma.]

¹⁷A fydd dŷn yn gyfiawnach na Duw? a fydd gŵr yn burach nai wneuthur-wr?

¹⁸Wele yn ei wasanaeth-wŷr ni chafodd efe ffyddlondab: ac yn erbyn ei angelion y gosododd efe ynfydrwydd.

¹⁹Pa faint mwy y rhai ydynt yn trigo mewn tai o glai, y rhai [sy] ai sail mewn pridd? y rhai a falurir yn gynt na gwyfyn?

²⁰O’r borau hyd hwyr y coethir hwynt, difethir hwynt yn dragywydd heb [neb] yn ystyried.

²¹Onid aeth eu rhagoriaeth hwy gyd a hwynt ymmaith? hwy a fyddant feirw, ac nid mewn doethineb.