Read William Morgan Bible 1588 original edition Iob 40 Bible Online

Iob 40 - William Morgan Bible 1588 original edition bible

Iob 40

¹Gallu Duw yn ymddangos yn yr Elephant. 20 A’r Lefiathan. A’r Arglwydd a attebodd Iob o’r corwynt, ac a ddywedodd,

²Gwregysa yn awr dy lwynau fel gŵr: a myfi a ofynnaf i ti, mynega dithe i mi.

³A wnei di fy marn i yn ofer? a fwrii di fi yn ang-hyfiawn i’th gyfiawnhau di?

⁴Neu a oes i ti fraich fel i Dduw? neu a wnei di darânau a’th lais fel yntef?

⁵Ymdrwssia yn awr â goruchafiaeth, ac â goruchelder: ac ymwisc â gogoniant ac â phrydferthwch.

⁶Tywallt gynddaredd dy ddigofaint: ac edrych ar bob balch, a thafl ef i lawr.

⁷Edrych ar bob balch a gostwng ef: a dryllia r rhai annuwiol yn eu llê.

⁸Cuddia hwynt yng-hyd yn y pridd: rhwym eu hwynebau hwy mewn [lle] cuddiedic.

⁹Yna hefyd myfi a gyfaddefaf i ti, mai dy ddeheu-law dy hun a’th achub.

¹⁰Yn awr wele’r Eliphant yr hwn a wneuthum gyd a thi: gwair a fwyttu efe fel ych.

¹¹Wele yn awr ei gryfder ef [sydd] yn ei lwynau: ei nerth ym mogel ei fol.

¹²Efe a gyfyd ei gynffon fel cedr-wŷdden: gewynnau ei arennau ef sy blethedic.

¹³Pibellion o ddûr [ydyw] ei escyrn ef: ei escyrn [ydynt] fel ffyn heirn.

¹⁴Pennaf o ffyrdd Duw [ydyw] efe: yr hwn ai gwnaeth ef a osododd [wrtho ef] ei gleddyf.

¹⁵Y mynyddoedd yn ddiau a ddygant laswellt iddo ef: ac yno y chwêru holl anifeiliaid y maes.

¹⁶Efe a orwedd dann goedydd cyscod-fawr: mewn lloches o gorsennau a siglennydd.

¹⁷Coedydd cyscod-fawr ai gorchguddiant ef yn gyscod iddo: helyg yr afon ai hamgylchant ef.

¹⁸Wele efe a orthrymma afon [fel] na phryssuro hi i [redeg:] efe a obeithie y rhuthre Iorddonen iw safn ef.

¹⁹[Yr heliwr] ai deil ef o flaen ei lygaid: [ac] a ddylla ei drwyn [ef] â bachau:

²⁰A dynni di y Lefiathan allan â bâch? neu a rwymi di ei dafod ef â rhaff?

²¹A osodi di fâch yn ei drwyn ef? neu a dylli di ascwrn ei ên ef â mynawyd.

²²A fawr ymbil efe â thi? a ddywed efe wrthit ti yn dêg?

²³A wna efe ammod â thi? a gymmeri di ef yn wâs tragywyddol?

²⁴A chwarei di ag ef fel ag aderyn? neu a rwymi di ef ith langcesau?

²⁵A swpera cyfeillion arno ef? a gyfrannant hwy ef rhwng marsiandi-wŷr?

²⁶A lenwi di fasced ai groen ef? neu gawell pyscod ai benn ef?

²⁷Gosot dy law arno ef: cofia y rhyfel, [ac] na wna di mwy.

²⁸Wele ofer ydyw ei obaith ef [oi ddal:] oni leddid [vn] gan ei olwg ef?