Read William Morgan Bible 1588 original edition Iob 41 Bible Online

Iob 41 - William Morgan Bible 1588 original edition bible

Iob 41

¹Duw yn treuthu chwaneg i Iob am y Lefiathan. Nid [oes neb morr] hyderus ai godi ef: a phwy [yw] efe a saif ger fy mron?

²Pwy a roddodd i mi yn gyntaf? ac myfi a dalaf: [beth bynnac sydd] dann yr holl nefoedd eiddofi [yw] hynny.

³Ni thawaf am ei aelodau ef: ac am gryfder a gweddeidd-dra ei osodiad ef.

⁴Pwy a ddatcuddiodd wyneb ei wisc ef? pwy a ddaw [atto ef] ai ffrwyn ddau ddyblyg ef?

⁵Pwy a agorodd ddôrau ei wyneb ef? dychryn [yw] amgylchoedd ei ddannedd ef.

⁶Rhagorol gryfder [ei] emmau [ef] a gaewyd â sêl gyfyng.

⁷Y mae’r naill morr agos at y llall, fel na ddelo gwynt rhyngddynt hwy.

⁸Pob vn a lŷn wrth ei gilydd: hwynt a ymglafhysant fel na wahanant hwy.

⁹Ei disian ef a gynneu yn ffagl: ai lygaid ef [sydd] fel amrantau y borau.

¹⁰Ffaglau a ânt allan, [a] gwreichion tânllyd a ddiangant oi enau ef.

¹¹Mwg a ddaw allan oi ffroenau ef: fel [o] bair, neu grochan berwedic.

¹²Ei anadl ef a wna i’r glo losci: a fflam a ddaw allan oi enau ef.

¹³Yn ei wddf ef y trig cryfder: a thristwch a drŷ yn llawenydd oi flaen ef,

¹⁴Llywethau ei gnawd a lynant yng-hyd: caledodd ynddo ei hun fel na syflo.

¹⁵Caled ydyw ei galon ef fel carreg: a chaled fel y maen issaf i felin.

¹⁶Rhai cryfion a ofnant ei ardderchawgrwydd ef: [ac] a wallgofant rhag ei derfysc ef.

¹⁷Ni syfl efe [rhac] y cleddyf a gyffyrddo ag ef, y waiw-ffon, y biccell, na’r llurig.

¹⁸Efe a gyfrif haiarn fel man-ûs: [a] dûr fel prenn pwdr.

¹⁹Ni phâr saeth iddo ef ffoi: cerrig tafl a droed iddo ef yn sofl.

²⁰Bŵa croes a gyfrifir fel soflun, ac efe a chwardd wrth escwyd glaif.

²¹Tano ef [y bydd] megis darniau llymmion o lestr pridd: efe a dana bethau llymmion ar hŷd y clai.

²²Efe a wna i’r dyfnder ferwi fel crochan: efe a esyd y môr fel morter apothecari.

²³Efe a wna lwybr golan ar ei ôl: [fel] y tebygid [fod] y dyfnder yn frig-wynn.

²⁴Nid [oes] ar y ddaiar gyffelyb iddo ef: yr hwn a wnaethpwyd heb ddychryn.

²⁵Efe a genfydd bob peth vchel: brenin [ydyw] efe ar holl feibion balchder.