Read William Morgan Bible 1588 original edition Iob 6 Bible Online

Iob 6 - William Morgan Bible 1588 original edition bible

Iob 6

¹Iob yn atteb nad heb achos yr oedd efe yn cwynfan. 8 Yn ewyllysio marw. 13 Ac yn achwyn rhac eu gyfeillion. Ac Iob a attebodd, ac a ddywedodd:

²O gan bwysso na phwyssid fy nigllondeb: ac na chydgodent fy-nhrychineb mewn clorian.

³Canys yn awr trymmach fydde na thyfod y môr: am hynny y pallodd fyng-eiriau.

⁴O herwydd [y mae] saethau’r Holl-alluog ynof, y rhai y mae eu gwenwyn yn yfed fy yspryd: dychrynfâu Duw a ymfyddinasant i’m herbyn.

⁵A rûa assyn wyllt vwch benn glas-wellt? a frêf ych vwch benn ei borthiant?

⁶A fwyteir peth diflas heb hâlen? a oes flâs ar wynn ŵy?

⁷[Y pethau] a wrthododd fy enaid eu cyffwrdd, y rhai hynny gan ofid [ydynt] yn lle bwyd i mi.

⁸O na ddeue fy nymuniad, ac na rodde Duw’r hyn yr ydwyfi yn ei ddisgwil.

⁹O [na] ddechreue Duw fy nryllio, na ollynge efe ei law yn rhydd, ac na’m torre fi ymmaith.

¹⁰Yna cyssur a fydde etto (er fynghaledu mewn clefyd heb [fy] arbed) na chelais ymadroddion y sanctaidd [Dduw.]

¹¹Pa nerth [sydd] i mi i barhau? a pha ddiwedd [fydde] i mi pe estynnwn fy hoedl?

¹²Ai [fel] cryfdwr cerrig [y mae] fynghryfdwr? a ydyw fyng-nhawd o brês?

¹³Onid [y dyw] fy amdeffyn gennifi? a fwriwyd rheswm ymmaith oddi wrthif,

¹⁴Yn erbyn yr hwn y toddwyd [ei] drugaredd oddi wrth ei gyfell, ac a adawodd ofn yr Holl-alluog?

¹⁵Fy mrodyr [a’m] twyllasant megis afon: aethant heibîo fel llifeiriant afonydd:

¹⁶Y rhai a ddûasant gan rew: ac yr ymguddiodd eira ynddynt:

¹⁷Mewn amser hwy a redant, [ac] hwy a dorrir ymmaith: pan wresogo [yr hîn] hwy a ddarfyddant allan oi lle:

¹⁸Llwybrau eu ffordd hwynt a giliant: dringant hefyd i wagedd, a hwy a gollir.

¹⁹Y rhai a aent i Thema a edrychasant: y rhai a deithient i Saba a ddisgwiliasant am danynt hwy.

²⁰Hwynt a gywilyddiwyd am obeithio [ynddynt:] hwynt a ddaethant hyd yno, ac a wladeiddiasant.

²¹Felly yn awr diau nad [ydych chwi y rhai] oeddych: chwi a welsoch ddychryn, ac a ofnasoch.

²²A ddywedais i, dygwch i mi? ac o’ch ffrwyth chwi rhoddwch roddion trosofi?

²³Neu gwaredwch fi o law y gelyn: a rhyddhowch fi o law y cedyrn.

²⁴Dyscwch fi, ac myfi a dawaf: a gwnewch i mi ddeall [ym] mha beth y dywedais yn amryfus.

²⁵Mor gryfion ydyw geiriau iniondeb: ond pa beth a argyoedda argyoeddiad [vn]o honoch chwi?

²⁶Ai argyoeddu ymadroddion a amcenwch chwi? fel [y bydd] geiriau [dŷn] truan megis gwynt.

²⁷Chwi a ruthrwch hefyd am benn yr ymddifad, ac a gloddiwch yn erbyn eich cyfaill.

²⁸Eithr yn awr byddwch fodlon, edrychwch arnafi: canys ni ddywedaf gelwydd’och blaen chwi.

²⁹Dychwelwch attolwg, na fydded anwiredd [ynoch]: îe troiwch etto [cewch weled] fyng-hyfiawnder yn hyn.

³⁰A oes anwiredd yn fy nhafod? oni ddeall taflod fyng-enau gamwedd?