Read William Morgan Bible 1588 original edition Iob 7 Bible Online

Iob 7 - William Morgan Bible 1588 original edition bible

Iob 7

¹Iob yn achwyn fyrred, a blined oedd ei oes. Onid amser terfynedic [sydd] i ddyn ar y ddaiar? ai ddyddiau ef megis dyddiau gwâs cyflog?

²Megis y dyheûa gwâs am gyscod: ac y disgwil cyflog-ddyn [ddiwedd] ei waith:

³Felly y gwnaethpwyd i mi feddiannu misoedd o oferedd: a nosweithiau o boen a osodwyd i mi.

⁴Os gorweddwn, yna y dywedwn, pa bryd y codaf, ac yr ymedu y nos? canys caf ddigon o ymdroi hyd y cyfddydd.

⁵Fyng-nhawd a wiscodd bryfed, a llwch priddlyd: fyng-hroen a agennodd, ac a aeth yn ffiaidd.

⁶Fy nyddiau oedd gynt na gwennol gwehydd: ac a ddarfuant heb obaith.

⁷Cofia mai gwynt [ydyw] fy hoedl: ni ddychwel fy llygad i weled daioni.

⁸Y llygad a’m gwelodd ni’m gwel [mwyach: dy lygaid ti [ydynt] i’m herbyn fel na [byddwyf] i [mwyach.]

⁹[Fel] y derfydd cwmwl, ac yr aiff ymmaith: felly’r hwn fydd yn descyn i’r bedd ni ddaw i fynu [mwyach.]

¹⁰Ni ddychwel mwy iw dŷ: ai lê ni’s edwyn ef mwy.

¹¹Gan hynny ni orafunaf i’m genau, mi a lefaraf yng-hyfyngora fy yspryd: myfi a gŵynaf gan ofid fyng-halon.

¹²Ai môr ydwyf, ai morfil, gan dy fod yn gosod cadwrieth arnaf?

¹³Pan ddywedwn fyng-wely am cyssura: fyng-orweddfa a esmwythâ oherwydd fy myfyrdod:

¹⁴Yna ti a’m brawychit a breuddwydion: ac a’m dychrynit â gweledigaethau.

¹⁵Am hynny y dewise fy enaid ymdagu: [a] marwolaeth yn fwy na’m hoedl.

¹⁶Ffieiddiais [enioes,] ni byddafi byw byth: paid a mi, canys oferedd [ydyw] fy nyddiau.

¹⁷Pa beth [ydyw] dŷn pan fawrheit ef? a phan osodit dy feddwl arno ef?

¹⁸Ac ymweled ag ef bob borau? ai brofi ef ar bob moment?

¹⁹Pa hŷd [y byddi] heb droi oddi wrthif, ni adewi fi yn llonyd tra llyngcwyf fy mhoeryn.

²⁰Myfi a bechais, beth a wnaf i ti, ô geidwad dŷn, pa ham y gosodaist fi yn nôd i ti: fel y byddwyf yn faich i mi fy hun?

²¹A pha ham na faddeui di fyng-hamwedd, ac na fwri heibio fy anwiredd? canys yn awr yn y pridd y gorweddaf, a thi a’m ceisi yn forau, ond ni’m [ceir.]