Read William Morgan Bible 1588 original edition Iob 8 Bible Online

Iob 8 - William Morgan Bible 1588 original edition bible

Iob 8

¹Bildad yn ceryddu Iob gan ddangos mai yr annuwiol a gospa Duw yn ddirfawr. 20 Ac morr ddaionus fydd efe i’r rhai duwiol. Yna Bildad y Suhiad a atebodd, ac a ddywedodd:

²Hyd pa hŷd y dywedi di hynny: ac [y bydd] geiriau dy enau yn wynt cryf?

³A ŵyra Duw farn? ac a ŵyra’r Holl-alluog gyfiawnder?

⁴Os dy feibion a bechâsant yn ei erbyn ef: am hynny y gollyngodd efe hwy i feddiant eu camwedd eu hun.

⁵Os tydi a foreu-godi at Dduw, ac a wedii ar yr Holl-alluog,

⁶Os pur, ac iniawn [fyddi] di, yn wîr efe a ddeffru attat ti yr awron, ac a wna drigfa dy gyfiawnder yn llwyddiannus.

⁷Er bod dy ddechreuad yn fychan: etto dy ddiwedd a gynnydda yn ddirfawr.

⁸O blegit gofyn attolwg i’r oes gyntaf, ac ymbaratôa i chwilio eu henafiaid hwynt.

⁹Canys [er] doe’r ydym ni, ni ŵyddom [ddim,] o herwydd cyscod [yw] ein dyddiau ni ar y ddaiar.

¹⁰Onid hwynt a’th ddyscant di, oni ddywedant i ti? ac [oni] ddygant ymadroddion allan oi calon.

¹¹A gyfyd brŵyn heb wlybanieth? a dyf gwairglodd heb ddwfr?

¹²Tra fyddo hi etto yn ei ffrwyth heb ei thorri, y gwywa hi o flaen pôb glas-welltyn.

¹³Felly [y mae] llwybrau pawb a’r sydd yn gollwng Duw dros gof: ac y derfydd am obaith y rhagrhithiwr.

¹⁴Yr hwn y torrir ymmaith ei hyder: ac [fel] tŷ pryf-coppyn [y bydd] ei obaith ef.

¹⁵Efe a bwyssa ar ei dŷ, ac ni saif: efe a ymeifl ynddo, ac ni pheru.

¹⁶Y mae efe [fel pren] ir o flaen yr haul: a thros ei ardd y daw ei frig.

¹⁷Plethir ei wraidd ef yng-hylch ffynnon, [o amgylch] tŷ cerrig y trŷ efe.

¹⁸Os diwreiddia efe allan oi lê: efe ai gwâd ef [gan ddywedyd,] ni’th welais.

¹⁹Wele dymma y modd y llawenycha efe: sef gallu o honaw flaguro mewn pridd arall.

²⁰Wele ni ddiystyra Duw y perffaith: ac nid ymeifl efe yn llaw y rhai drygionus,

²¹Oni lanwo efe dy enau di a chwerthin: a’th wefusau o orfoledd.

²²[Oni] wiscer dy gasedigion di â chywilydd, fel na byddo lluesty’r annuwiol.