Read William Morgan Bible 1588 original edition Iob 9 Bible Online

Iob 9 - William Morgan Bible 1588 original edition bible

Iob 9

¹Iob yn cydnabod gallu, cyfiawnder, a doethineb Duw: a diffig dyn, ac er hynny yn cwyno rhac ei adfyd. Ac Iob a atebodd, ac a ddywedodd,

²Yn wîr mi a wn mai felly [y mae:] canys pa fodd y cyfiawnheuir dyn, [o chyd-ystyrir ef] a Duw?

³Os myn efe ymryson ag efo: nid ettŷb iddo ef [am] vn [peth] o fil.

⁴Y mae efe yn ddoeth o galon, ac yn alluog o nerth: pwy a galedodd [ei galon] yn ei erbyn ef, ac a lwyddodd?

⁵Yr hwn sydd yn symmud mynyddoedd: heb wybod iddynt: yr hwn sydd yn eu dymchwelyd hwynt yn ei ddigofaint.

⁶Yr hwn sydd yn cynhyrfu y ddaiar allan oi lle: fel y cryno ei cholofnau hi.

⁷Yr hwn a ddywed wrth yr haul, ac ni chyfyd: ac a selia ar y sêr.

⁸Yr hwn sydd yn tanu y nefoedd yn vnic: ac yn sathru ar donnau y môr.

⁹Yr hwn sydd yn gwneuthur Arcturus, Orion, a Phleiades, ac stafelloedd y dehau.

¹⁰Yr hwn sydd yn gwneuthur [pethau] mawrion anchwiliadwy: a rhyfeddodau anneirif.

¹¹Wele efe aiff trosofi, ac nis gwelaf: ac efe a aiff heibio, ac ni chanfyddaf mo honaw.

¹²Wele efe a sclyfaetha, pwy a wna iddo dalu? pwy a ddywed wrtho ef, pa ham y gwnei di [felly?]

¹³Ni thrŷ Duw ei ddigllonedd ymmaith: tano ef y crymmwyd cynhorthwy-wŷr balchder.

¹⁴Pa feint llai’r attebaf iddo ef? [ac] y gallaf ddewis fyng-eiriau [iw dywedyd] wrtho ef?

¹⁵I’r hwn pe bawn cyfiawn nid atebwn, eithr ymbiliwn a’m barn-wr.

¹⁶Os galwn, a phe atebe efe i mi, ni chredwn y gwrandawe efe fy lleferydd.

¹⁷Yr hwn a’m dryllia a chor-wynt: ac a amlhâ fy archollion yn ddi-achos.

¹⁸Ni ddioddef efe i mi gymmeryd fy anadl attaf: canys efe a’m lleinw a chwerwder.

¹⁹Os am gadernid, wele ef yn gadarn: ac os am gyfraith, pwy a ddadleua trosofi?

²⁰Os myfi a ymgyfiawnhaf fyng-enau a’m barn yn euog: [os] perffaith [y cymmerwn i arnaf fy mod] efe a’m barn fi yn drofaus.

²¹[Pe byddwn berffaith [etto] nid adwen i fy enaid: ffiaidd gennif fy enioes.

²²Dymma vn peth, am hynny y dywedais: y mae efe yn difetha y perffaith fel yr annuwiol.

²³Er lladd o honaw ef a ffrywyll yn ddisymmwth: a watwar efe am benn cospedigaeth rhai diniwed?

²⁴Y ddaiar a roddwyd yn llaw’r annuwiol, efe a fwrw hûg dros wynebau ei barn-wŷr hi: onid ê, pa le [y mae efe? a] phwy [yw efe a ddengys y gwrthwyneb?]

²⁵A’m dyddiau mau fi fuant gynt na rheddeg-wr: ffoasant heb wêled daioni.

²⁶Aethant heibio [megis] gyd a llongau buan: megis yr eheda eryr at ymborth.

²⁷Os dywedaf, gollyngaf fyng-hŵyn dros gof: mi a adawaf fy nigllondeb, ac a gryfhâf.

²⁸[Yna yr] ofnaf fy holl ddoluriau: gwn na’m berni yn wirion.

²⁹[Os] euog fyddaf: pa ham yr ymflinaf felly yn ofer?

³⁰Os ymolchaf mewn dwfr eira: ac [os] glanhaf fy nwylaw yn lân:

³¹Yna di a’m trochi mewn pwll: a’m dillad a’m drewant.

³²Canys nid gŵr fel myfi [ydyw yr hwn] y mae yn rhaid i mi atteb iddo ef, [pan] ddelom yng-hyd i’r farn.

³³Nid oes rhyngom ni gryf ddyddiwr yr hwn:] a osodo ei law arnom ein dau.

³⁴Tynned ymmaith ei wialen oddi arnaf: ac na ddychryned ei ddychryn ef fi.

³⁵Yna y dywedaf, ac nid ofnaf ef: canys nid ydwyfi felly ynof fy hûn.