Read William Morgan Bible 1588 original edition Psalmau 10 Bible Online

Psalmau 10 - William Morgan Bible 1588 original edition bible

Psalmau 10

¹Vtquid Domine recessisti. Pa ham Arglwydd y sefi o bell, yr ymguddi yn yr amseroedd [pan ydym] mewn cyfyng-der?

²Yr annuwiol mewn balchder a erlid y tlawd: dalier hwynt yn y dichellion a ddychymygasant.

³Canys yr annuwiol a ffrostiodd wrth ewyllys ei galon: a’r cybydd a ymfendithiodd: diystyru y mae efe yr Arglwydd.

⁴Yr annuwiol gan ei falchder ni chais [Dduw:] nid [ydyw] Duw [yn] ei holl feddyliau ef.

⁵Ei ffyrdd ef ydynt flîn bôb amser, vchel [yw] dy farnedigaethau oi olwg ef: efe a chwyth yn erbyn ei holl elynnion.

⁶Dywedodd yn ei galon ni’m symmudir, o herwydd ni [byddaf] mewn dryg-fyd hyd genhedlaeth, a chenhedlaeth.

⁷Ei enau sydd yn llawn melldith, a dichel, a thwyll: tann ei dafod y mae camwedd, ac anwiredd.

⁸Y mae efe yn eistedd yng-hynllwynfa yr heolydd, mewn cilfacheu y lladd efe y gwirion: ei lygaid a dremmiant ar y tlâwd.

⁹Efe a gynllwyna mewn dirgelwch megis llew yn ei ffau, bwriadu y bydd i dreisio yr tlawd: treisia efe y tlawd, gan ei dynnu iw rwyd.

¹⁰Efe a ymgystuddia, ac a ymostwng: fel y cwympo tyrfa trueniaid ym mysc ei gedyrn ef.

¹¹Dywedodd yn ei galon, anghofiodd Duw: cuddiodd ei wyneb, ni wêl efe byth.

¹²Cyfot Arglwydd Dduw, dercha dy law: nac anghofia y tlodion.

¹³Pa ham y cabla’r annuwol Dduw? gan ddywedyd yn ei galon, nad ymofynni.

¹⁴Gwelaist [hyn,] canys ti a genfyddi anwiredd, a cham, i roddi [tâl] a’th ddwylo dy hun: arnat ti y gedu y tlawd [ei obaith,] ti ydwyt gynnorthwy-wr yr ymddifad.

¹⁵Torr fraich yr annuwiol, a’r drygionus: cais ei ddrygioni ef, [ac] nis cei.

¹⁶Yr Arglwydd [sydd] Frenin byth, ac yn dragywydd: dinistriwyd y cenhedloedd oi dîr ef.

¹⁷Arglwydd clywaist ddymuniad y tlodion, cyweiria di eu calon hwynt, gwrandawed dy glust [arnynt.]

¹⁸I farnu yr ymddifad a’r tlawd: fel na chwanego dŷn daiarol beri ofn mwyach.