Read William Morgan Bible 1588 original edition Psalmau 102 Bible Online

Psalmau 102 - William Morgan Bible 1588 original edition bible

Psalmau 102

¹Gweddi y cystuddiedic, pan fyddo efe mewn blinder: ac yn tywallt ei ymadrodd ger bron yr Arglwydd. [39]Arglwydd clyw fyng-weddi, a deled fy llêf attat.

²Na chudd dy wyneb oddi wrthif, yn nydd fyng-hyfyngder gostwng dy glust attaf: yn y dydd y galwyf, bryssia, [a] gwrando fi.

³Canys fy nyddiau a ddarfuant fel mŵg: a’m hescyrn a boethasant fel pentewyn.

⁴Fyng-halon a darawyd: ac a wywodd fel llyssïeun: fel yr anghofiais fwytta fy mara.

⁵Gan lais fy nhuchan y glŷnodd fy escyrn wrth fyng-nhawd.

⁶Tebyg wyf i belican [mewn] anialwch ydwyf fel dylluan [mewn] diffaethwch.

⁷Gwiliais, ac ydwyf: fel aderyn y tô vnic ar benn y tŷ.

⁸Fyng-elynnion a’m gwarthruddasant beunydd: y rhai a ynfydant wrthif a dyngasant yn fy erbyn.

⁹Canys bwytteais ludw fel bâra: a chymmyscais fy niod ag wylofain,

¹⁰[A hynny] gan dy lid di a’th ddigofaint: canys codaist fi, a theflaist fi i lawr.

¹¹Fy nyddiau [a aethant] fel cyscod wedi cilio, a minne fel glaswelltyn a wywais.

¹²Tithe Arglwydd a barhei yn dragywyddol: a’th gofradwriaeth hyd genhedlaeth a chenhedlaeth.

¹³Ti a gyfodi, [ac] a drugarhei wrth Sion: canys madws [yw] trugarhau wrthi, o herwydd dyfod yr amser nodedic.

¹⁴O blegit y mae dy weision yn hoffi ei meini hi: ac yn tosturio wrth ei llŵch hi.

¹⁵A’r cenhedloedd a ofnant enw’r Arglwydd: a holl frenhinoedd y ddaiar dy ogonoiant,

¹⁶Pan adeilado yr Arglwydd Sion, a phan weler efe yn ei ogoniant.

¹⁷Edrychodd ar weddi y gwael: ac ni ddiystyrodd eu dymuniad.

¹⁸Hyn a scrifennir i’r genhedlaeth nessaf, a’r bobl a ênir a foliannant yr Arglwydd.

¹⁹Canys edrychodd o vchelder ei gyssegr: yr Arglwydd a edrychodd i lawr o’r nefoedd,

²⁰I wrando vchenaid y carcharorion: ac i ryddhau plant angeu.

²¹Fel y mynegent enw’r Arglwydd yn Sion, ai foliant ef yn Ierusalem,

²²Pan gesclid y bobl yng-hyd, a’r teyrnasoedd i wasanaethu’r Arglwydd.

²³Gostyngodd efe fy nerth ar y ffordd, [a] byrhaodd fy nyddiau.

²⁴Dywedais, fy Nuw na chyfot fi ymmaith yng-hanol fy nyddiau: dy flynyddoedd di [ydynt] yn oes oesoedd,

²⁵Yn y dechreuad y seiliaist y ddaiar, a’r nefoedd [ydynt] waith dy ddwylo,

²⁶Hwynt a ddarfyddant a thi a barhei: îe hwynt oll a heneiddiant fel dilledyn: fel gwisc y newidi hwynt, ac y newidiant.

²⁷Tithe’r vn [ydwyt,] a’th flynyddoedd ni ddarfyddant.

²⁸Plant dy weision a bresswyliasant, ai hâd a gadarnheiur ger dy fron di.