Read William Morgan Bible 1588 original edition Psalmau 103 Bible Online

Psalmau 103 - William Morgan Bible 1588 original edition bible

Psalmau 103

¹Psalm Dafydd. Fy enaid bendithia’r Arglwydd, a chwbl sydd ynof, ei enw sanctaidd.

²Fy enaid, bendithia’r Arglwydd, ac nac anghofia ei holl ddonniau ef.

³Yr hwn sydd yn maddeu dy holl anwireddau: yr hwn sydd yn iachaû dy holl lescedd.

⁴Yr hwn sydd yn gwaredu dy fywyd o ddestruw, yr hwn sydd yn dy gorôni â thrugaredd, ac â thosturi.

⁵Yr hwn sydd yn diwallu dy enau â daioni: [fel] yr adnewydder dy ieuengctid fel yr eryr.

⁶Yr Arglwydd sydd yn gwneuthur cyfiawnder, a barn i’r rhai gorthrymmedic oll.

⁷Yspyssodd ei ffyrdd i Moses, ei weithredoedd i feibion Israel.

⁸Trugarog a gras-lawn [yw’r] Arglwydd: hwyrfrydic i lid, a mawr o drugarogrwydd.

⁹Nid byth yr ymrysson efe, ac nid byth y ceidw efe [ei ddigofaint.]

¹⁰Nid yn ôl ein pechodau y gwnaeth efe i ni: ac nid yn ôl ein anwireddau y tâlodd efe i ni.

¹¹Canys cyfuwch ac yw’r nefoedd vwch law’r ddaiar y rhagorodd ei drugaredd ef ar y rhai ai hofnant ef.

¹²Cyn belled ac yw’r dwyrain oddi wrth y gorllewyn y pellhaodd efe ein camweddau oddi wrthym.

¹³Fel y tosturia tâd wrth ei blant, felly y tosturiodd yr Arglwydd wrth y rhai ai hofnant ef.

¹⁴Canys efe a adwaene ein defnydd ni: cofiodd mai llŵch [oeddem] ni.

¹⁵Dyddiau dŷn [ydynt] fel glas-welltun: megis blodeun y maes y blodeua efe.

¹⁶Pan êl gwynt trosto, yna ni [bydd] mwy o honaw: ai le nid edwyn ddim o honaw ef mwy.

¹⁷Ond trugaredd yr Arglwydd [sydd] o dragywyddoldeb hyd dragywyddoldeb ar y rhai ai hofnant ef:

¹⁸Ai gyfiawnder i blant plant y rhai a gadwant ei gyfammod ef: ac a gofiant ei orchymynnion iw gwneuthur.

¹⁹Yr Arglwydd a baratôdd ei orseddfa yn y nefoedd: ai frenhiniaeth ef sydd yn llywodraethu ar bôb [peth.]

²⁰Bendithiwch yr Arglwydd ei angelion ef, cedyrn o nerth yn gwneuthur ei air ef gan wrando ar leferydd ei air ef.

²¹Bendithiwch yr Arglwydd ei holl luoedd ef: [sef] ei holl weision yn gwneuthur ei ewyllys.

²²Bendithiwch yr Arglwydd ei holl weithredoedd ef, ym mhob mann oi lywodraeth. Fy enaid bendithia’r Arglwydd.