Read William Morgan Bible 1588 original edition Psalmau 104 Bible Online

Psalmau 104 - William Morgan Bible 1588 original edition bible

Psalmau 104

¹[40]Fy enaid bendithia’r Arglwydd, ô Arglwydd fy Nuw, tra mawr ydwyt: gwiscaist ogoniant, a harddwch.

²Yr hwn sydd yn gwisco goleuni fel dilledyn: [ac] yn tânu y nefoedd fel llenn.

³Yr hwn sydd yn tŷlathu yn y dyfroedd, yn gosod y cwmylau yn gerbyd iddo: ac yn rhodio ar adenydd y gwynt.

⁴Yr hwn sydd yn gwneuthur ysprydion yn gennadon iddo: ai wenidogion yn dân fflamllyd.

⁵Efe a seiliodd y ddaiar ar ei sylfeini: fel na siglo byth, nac yn dragywydd.

⁶Toaist hi â gorddyfnder megis â gwisc: y dyfroedd a safant ar y mynyddoedd.

⁷Gan dy gerydd di y ffoant, rhag sŵn dy daran y rhedant yn frawchus.

⁸[Fel] mynyddoedd yr ymgodant, fel glynnoedd y descynnant i’r lle yr hwn a seiliaist îddynt.

⁹Gosodaist derfyn fel nad elont trosodd, fel na ddychwelont i orchguddio’r ddaiar.

¹⁰Yr hwn a yrraist ffynhonnau i’r afonydd [y rhai] a gerddant rhwng y mynyddoedd.

¹¹Diodant holl fwyst-filod y maes: yr assynnod gwylltion a dorrant eu syched [ynddynt.]

¹²Adar y nefoedd a drigant ger llaw iddynt, ac a leisiant oddi rhwng y cangau.

¹³Y mae efe yn dwfrhau y mynyddoedd oi vchelder: a’r ddaiar a gyflawnir o ffrwyth dy weithredoedd.

¹⁴Y mae yn peri i’r gwellt dyfu i’r anifeiliaid, a llyssiau i wasanaethu dŷn: gan ddwyn bara allan o’r ddaiar,

¹⁵A gwîn hefyd y llawenycha efe galon dŷn gan beri i wynêbau ddiscleirio ag olew: ac â bara y cynnal efe galon dŷn.

¹⁶Prennau’r Arglwydd ydynt lawn [o sugn: [sef] cedr-wŷdd Libanus y rhai a blannodd efe.

¹⁷Lle y nytha’r adar: y ffynnidwydd [yw] tŷ y Ciconia.

¹⁸Y mynyddoedd vchel [sydd] i’r geifr, [a’r] creigiau yn lloches i gwnningod.

¹⁹Efe a wnaeth y lleuad i amserau nodedic: yr haul a edwyn ei fachludiad.

²⁰Gosodi dywyllwch a nôs fydd: ynddi’r ymlusca pôb bwyst-fil coed.

²¹Y llewod a rûant am sclyfaeth, ac [a ânt] i geisio eu bwyd gan Dduw.

²²[Pan] godo haul yr ymgasclant, ac y gorweddant yn eu llochesau.

²³Dŷn [a] aiff allan iw waith, ac iw orchwyl hyd yr hwyr.

²⁴Mor lluosog [yw] dy weithredoedd ô Arglwydd: gwnaethost hwynt oll mewn doethineb, llawn yw’r ddaiar o’th gyfoeth.

²⁵[Felly] mawr, a llydan [yw]’r môr: yno y mae ymlusciaid heb rifedi, bwyst-filod mawrion a bychain.

²⁶Yno’r aiff llongau: [a’r] Lefiathan [yr hwn] a lunniaist i chware ynddo.

²⁷Hwynt oll a ddisgwiliant wrthit am roddi eu bwyd yn ei brŷd.

²⁸Casclant [pan] roddech iddynt: [pan] agorech dy law diwellir hwynt â daioni.

²⁹[Pan] guddiech dy wyneb y dychrynnant, [pan] gasclech dy yspryd y trengant, ac y dychwelant iw llwch.

³⁰[Pan] ollyngech dy yspryd y creuir hwynt, ac yr adnewyddi di wyneb y ddaiar.

³¹Gogoniant yr Arglwydd fydd yn dragywydd: yr Arglwydd a lawenycha yn ei weithredoedd.

³²Yr hwn a edrych ar y ddaiar, a hi a gryna, [ac] a gyffwrdd a’r mynyddoedd, a hwy a fygant.

³³Canaf i’r Arglwydd yn fy mywyd, canaf i’m Duw tra fyddwyf.

³⁴Bydd melys ganddo fy myfyrdod: mi a lawenychaf yn yr Arglwydd.

³⁵Derfydd y pechaduriaid o’r tîr, ni bydd yr annuwiolion mwy: fy enaid bendithia di’r Arglwydd. Molwch yr Arglwydd.