Read William Morgan Bible 1588 original edition Psalmau 105 Bible Online

Psalmau 105 - William Morgan Bible 1588 original edition bible

Psalmau 105

¹[41]Clodforwch yr Arglwydd, gelwch ar ei enw: mynegwch ei weithredoedd ym mysc y bobloedd.

²Cenwch iddo, can-molwch ef: treuthwch am ei holl ryfeddodau ef.

³Gorfoleddwch yn ei enw sanctaidd, llawenyched calon y rhai a geisiant yr Arglwydd.

⁴Ceisiwch yr Arglwydd ai nerth: cesiwch ei wyneb bôb amser.

⁵Cofiwch ei ryfeddodau y rhai a wnaeth efe: ei wyrthiau, a barnedigaethau ei enau.

⁶O hâd Abraham ei wâs ef: ô meibion Iacob ei etholedigion.

⁷Efe yw’r Arglwydd ein Duw ni, ei farnedigaethau ef [ydynt] trwy’r holl ddaiar.

⁸Cofiodd ei gyfammod bôb amser: [a’r] gair a orchymynnodd efe i fîl o genhedlaethau.

⁹Yr hyn a ammododd efe ag Abraham, ai lŵ i Isaac,

¹⁰A’r [hyn] a osododd efe yn ddeddf i Iacob, [ac] yn gyfammod tragywyddol i Israel,

¹¹Gan ddywedyd, i ti y rhoddaf dîr Canaan rhandir eich etifeddiaeth.

¹²Pan oeddynt anaml [ac] ychydig, a dieithriaid ynddi,

¹³Pan rodiasant o genhedlaeth i genhedlaeth: o’r [naill] deyrnas at bobl arall:

¹⁴Ni adawodd i neb eu gorthrymmu: onid ceryddodd frenhinoedd oi plegit [gan ddywedyd:]

¹⁵Na chyffyrddwch a’m rhai eneiniog, ac na ddrygwch fy mhrophwydi.

¹⁶Galwodd hefyd am newyn ar y tîr: a dinistriodd holl gynhaliaeth bara.

¹⁷Anfonodd ŵr oi blaen hwynt, Ioseph a werthwyd yn wâs.

¹⁸Cystuddiasant ei draed ef mewn gefyn: daeth yr haiarn hyd ei enaid,

¹⁹Hyd yr amser y daeth ei air ef [i ben,] gair yr Arglwydd ai profodd ef.

²⁰Y brenin a anfonodd, ac ai gollyngodd ef, llywodraeth-wr y bobl ai rhyddhâodd ef.

²¹Gosododd ef yn arglwydd ar ei dŷ, ac yn llywydd ar ei holl gyfoeth.

²²I athrawiaethu ei dywysogion ef wrth ei ewyllys, ac i ddyscu doethineb iw henuriaid ef.

²³Yna’r aeth Israel i’r Aipht, ac Iacob a ymdeithiodd yn nhîr Ham.

²⁴Ac efe a gynnyddodd ei bobl yn ddirfawr: ac ai gwnaeth yn gryfach nai gwrthwyneb-wŷr.

²⁵Trôdd eu calon hwynt i gasâu ei bobl ef, ac i wneuthur yn ddichellgar ai weision ef.

²⁶[Yna]’r anfonodd efe Moses ei wâs, [ac] Aaron yr hwn a ddewisase efe.

²⁷Gosodâsant eiriau ei arwyddion ef yn eu plith hwynt: a rhyfeddodau yn nhîr Ham.

²⁸Efe a anfonodd dywyllwch, ac a dywyllodd: ac nid anufyddhasant hwy ei air ef.

²⁹Efe a drôdd eu dyfroedd yn waed, ac a laddodd eu pyscod hwynt.

³⁰Eu tîr a heigiodd lyffaint yn stafelloedd eu brenhinoedd.

³¹Efe a ddywedodd, a daeth cymmysc-bla, [a] llau yn eu holl frô hwynt.

³²Efe a roddes eu glaw hwynt yn genllysc, ac yn fflamau tân yn eu tîr.

³³Tarawodd hefyd eu gwinwŷdd, ai ffigus-wydd: ac a ddrylliodd goed eu gwlad hwynt.

³⁴Efe a ddywedodd, a daeth y celioc rhedyn a’r lindis yn anneirif,

³⁵Y rhai a fwytâsant yr holl las-wellt yn eu tîr hwynt: ac a ddifâsant ffrwyth eu daiar hwynt.

³⁶Tarawodd hefyd bôb cyntaf-anedic yn eu tîr hwynt, [sef] blaen-ffrwyth eu holl nerth hwynt.

³⁷Ac ai dug hwynt allan ag arian, ac ag aur: ac heb [vn] llesc yn eu llwythau hwynt.

³⁸Llawenychodd yr Aipht pan aethant allan, canys syrthiase eu harswyd arnynt hwy.

³⁹Efe a estynnodd gwmwl yn dô, a thân i oleuo liw nôs.

⁴⁰Gofynnasant, ac efe a ddug sofl-ieir, ac ai diwallodd â bara nefol.

⁴¹Efe a holltodd y graig, a’r dwfr a ddelifodd, [ac] afonydd a gerddâsant ar hŷd [lleoedd] sychion.

⁴²Canys efe a gofiodd ei air sanctaidd, ac Abraham ei wâs.

⁴³Ac a ddûg ei bobl allan mewn llawenydd: ai etholedigion mewn gorfoledd.

⁴⁴Ac a roddes iddynt dîr y cenhedloedd: a gorescynnant lafur y bobloedd.

⁴⁵Fel y cadwent ei ddeddfau ef, ac y cynhalient ei gyfreithiau. Molwch yr Arglwydd.