Read William Morgan Bible 1588 original edition Psalmau 106 Bible Online

Psalmau 106 - William Morgan Bible 1588 original edition bible

Psalmau 106

¹Molwch yr Arglwydd. [42]Clodforwch yr Arglwydd canys dâ [yw:] o herwydd ei drugaredd [a beru] yn dragywydd.

²Pwy a draetha gadernid yr Arglwydd? [ac] a fynega ei holl fawl ef?

³Gwyn eu byd a gadwant farn: [a’r] hwn a wnêl gyfiawnder bôb amser.

⁴Cofia fi Arglwydd yn ôl [dy] raslonrwydd i’th bobl, ymwel â mi a’th iechydwriaeth.

⁵Fel y gwelwyf ddaioni dy etholedigion, gan lawenychu yn llawenydd dy genhedlaeth: [a] chan orfoleddu gyd a’th etifeddiaeth.

⁶Pechasom gyd a’n tadau, gwnaethom gamwedd, anwir fuom.

⁷Ein tadau ni ddeallasant dy ryfeddodau yn yr Aipht, ni chofiasant luosogrwydd dy drugareddau: eithr annufydd fuant wrth y môr [sef] y môr coch.

⁸Etto efe ai hachubodd hwynt er mwyn ei enw: i beri adnabod ei gadernid.

⁹Ac a geryddodd y môr coch fel y sychodd efe: a gwnaeth iddynt fyned trwy’r dyfnder megis trwy’r anialwch:

¹⁰Achubodd hwynt hefyd o law y digasog: ac ai gwarêdodd o feddiant y gelyn.

¹¹A’r dyfroedd a doâsant eu gwrthwyneb-wŷr: ni adawyd vn o honynt.

¹²Yna y credâsant iw eiriau ef: [ac] y canâsant ei fawl ef.

¹³Yn y fan yr anghofiasant ei weithredoedd ef, ni ddisgwiliasant am ei gyngor ef.

¹⁴Eithr blyssiâsant yn ddirfawr yn yr anialwch: a themtiâsant Dduw yn y diffaethwch.

¹⁵Ac efe a roddes eu dymuniad iddynt, ac a anfonodd gulni arnynt.

¹⁶Cyffroasant hefyd Moses yn y gwersyll: [ac] Aaron sanct yr Arglwydd.

¹⁷Y ddaiar a agorodd, ac a lyngcodd Ddathan, ac a orchguddiodd gynnulleidfa Abiram.

¹⁸Cynneuodd tân hefyd yn eu cynnulleidfa hwynt: fflam a loscodd y rhai annuwiol.

¹⁹Llô a wnaethant yn Horeb: ac ymgrymmasant i’r ddelw dawdd.

²⁰Felly y troâsant eu gogoniant i lûn eidion yn poru glas-wellt.

²¹Anghofiasant Dduw eu hachub-wr, yr hwn a wnelse [bethau] mawrion yn yr Aipht.

²²[Pethau] rhyfedd yn nhîr Ham: pethau ofnadwy wrth y môr coch.

²³Ac efe a ddywedase am eu dinistrio hwynt, oni buase i Moses ei etholedig ef sefyll ar yr adwy oi flaen ef, i droi ei llidiawgrwydd rhag [eu] dinistrio.

²⁴Diystyrasant hefyd y tîr dymunol: [ac] ni chredâsant ei air ef.

²⁵Ond grwgnachâsant hefyd yn eu pebyll: ac ni wrandawsant ar lais yr Arglwydd.

²⁶Yna y derchafodd efe ei law yn eu herbyn hwynt, iw cwympo yn yr anialwch,

²⁷Ac i gwympo eu had ym mysc y cenhedloedd, ac iw gwascâru hwynt drwy’r tiroedd.

²⁸Ymgymharâsant hefyd a Baalpeor, a bwyttasant ebyrth y meirw.

²⁹Felly y digiasant [ef] ai dychymmygion eu hunain: ac y tarawodd plâ yn eu mysc hwy.

³⁰Yna y safodd Phinehes, ac a iawn farnodd: a’r plâ a attaliwyd.

³¹A chyfrifwyd [hyn] iddo yn gyfiawnder: o genhedlaeth i genhedlaeth byth.

³²Llidiâsant ef hefyd wrth ddyfroedd y gynnen: a drygwyd Moses oi plegit hwynt.

³³O herwydd cythruddo o honynt ei yspryd ef, fel y camddywedodd ai wefusau.

³⁴Ni ddinistriâsant y bobloedd, megis y dywedase’r Arglwydd wrthynt.

³⁵Eithr ymgymmyscâsant a’r cenhedloedd: a dyscâsant eu gweithredoedd hwynt.

³⁶A gwasanaethâsant eu gau dduwiau hwynt, y rhai a fuant yn fagl iddynt:

³⁷Aberthâsant hefyd eu meibion, ai merched i gythreuliaid,

³⁸Ac a dywalltâsant waed gwirion [sef] gwaed eu meibion, ai merched, y rhai a aberthâsant i gau dduwiau Canaan, ac a halogwyd y tîr a’r gwaed.

³⁹Felly’r ymhalogâsant yn eu gweithredoedd eu hun, ac y putteiniasant gyd ai dychymygion.

⁴⁰Am hynny y cynneuodd dîg yr Arglwydd yn erbyn ei bobl, ac y ffieiddiodd efe ei etifeddiaeth.

⁴¹Ac efe ai rhoddes hwynt yn llaw’r cenhedloedd, ai caseion a lywodraethâsant arnynt.

⁴²Eu gelynnion hefyd ai gorthrymmâsant, a goostyngwyd hwynt tann eu dwylo hwy.

⁴³Llawer gwaith y gwarêdodd efe hwynt, hwythau ai digiâsant [ef] ai cyngor eu hun: a hwynt a gystuddiwyd am eu hanwiredd.

⁴⁴Ond efe a edrychodd pan oedd ing arnynt: pan glywodd eu llefain hwynt.

⁴⁵Ac efe a gofiodd ei gyfammod â hwynt, ac a dosturiodd yn ôl lluosogrwydd ei drugareddau.

⁴⁶Ac ai rhoes hwynt i [gael] trugaredd o flaen y rhai oll ai caethiwasent hwy.

⁴⁷Achub ni ô Arglwydd ein Duw: a chynnull ni o blîth y cenhedloedd, i glodfori dy enw sanctaidd: ac i orfoleddu yn dy foliant.

⁴⁸Bendigedic yw Arglwydd Dduw Israel er ioed, ac yn dragywydd: a dyweded yr holl bobl, felly y byddo. Molwch yr Arglwydd.