Read William Morgan Bible 1588 original edition Psalmau 107 Bible Online

Psalmau 107 - William Morgan Bible 1588 original edition bible

Psalmau 107

¹[43]Clodforwch yr Arglwydd canys dâ yw: o herwydd ei drugaredd [sydd] yn dragywydd.

²[Felly] dyweded gwaredigion yr Arglwydd, y rhai a waredodd efe o law’r gelyn,

³Ac a gasclodd efe o’r tiroedd, o’r dwyrain, ac o’r gorllewyn, o’r gogledd, ac o’r dehau.

⁴Cyrwydrâsant yn yr anialwch [ac] mewn diffaethwch [allan o’r] ffordd: heb gael dinas i aros ynddi.

⁵Yn newynog ac yn sychedig eu henaid a lewygodd ynddynt.

⁶Yna y llefâsant ar yr Arglwydd yn eu cyfyngder: [ac] efe ai gwaredodd oi gorthrymder.

⁷Ac ai tywysodd hwynt ar hŷd ffordd iniawn, i dyfod i ddinas gyfanneddol.

⁸Cyffesant o flaen yr Arglwydd ei drugaredd ef, ai ryfeddodau [a wnaeth efe] i feibion dynnion.

⁹Canys diwallodd efe yr enaid sychedig, ac a lanwodd yr enaid newynog â daioni.

¹⁰Y rhai a bresswyliant dywyllwch a chyscod angeu, yn rhwym [mewn] cystudd a haiarn,

¹¹O herwydd annufyddhaû o honynt eiriau Duw, a dirmygu cyngor y Goruchaf.

¹²Yntef a ostyngodd eu calon â blinder: syrthiâsant, ac nid oedd cynnorthwy-wr.

¹³Pan waeddâsant ar yr Arglwydd yn eu cyfyngder: efe ai hachubodd oi gorthrymder.

¹⁴Dug hwynt allan o dywyllwch, a chyscod angeu: a drylliodd eu rhwymau hwynt.

¹⁵Cyffesant hwythau o flaen yr Arglwydd ei drugaredd, ai ryfeddodau [a wnaeth efe] i feibion dynnion.

¹⁶Canys efe a dorrodd y pyrth prês, ac a ddrylliodd y barrau heirn.

¹⁷Ynfydion o blegit eu camweddau, ac o herwydd eu hanwireddau a gystuddir.

¹⁸Eu henaid a ffieiddie bôb bwyd: a daethant hyd byrth angeu.

¹⁹Yna y gwaeddasant ar yr Arglwydd yn eu cyfyngder: [ac] efe ai hachubodd oi gorthrymder.

²⁰Anfonodd efe ei air, ac iachâodd hwynt: ac ai gwaredodd oi methiant.

²¹Cyffesant hwythau o flaen yr Arglwydd ei drugaredd ef: ai ryfeddodau [a wnaeth efe] i feibion dynnion,

²²Aberthant hefyd aberth moliant: a mynêgant ei weithredoedd ef mewn gorfoledd.

²³Y rhai a ddescynnant mewn llongau i’r môr, gan wneuthur eu gorchwyl mewn dyfroedd mawrion:

²⁴Hwy a welsant weithredoedd yr Arglwydd: ai ryfeddodau yn y dyfnder.

²⁵Canys dywyedodd efe, a chyfododd temhestl-wynt: ac a dderchafodd ei donnau.

²⁶[Y rhai] a escynnasant i’r nefoedd, [ac] a ddescynnasant i’r dyfnder, [fel] y toddodd eu henaid gan flinder.

²⁷Ymdroâsant, ac ymsymmudâsant fel meddwyn: a methodd eu holl ddoethineb.

²⁸Yna y gwaeddâsant ar yr Arglwydd yn eu cyfyngder, ac efe ai dygodd hwynt allan oi gorthrymder.

²⁹Gwnaeth i’r storm sefyll yn dawel: ai tonnau a ostegâsant.

³⁰Yna y llawenhausant am eu gostêgu, ac efe ai dug i’r porthladd a ddymunasent.

³¹Cyffesant hwythau o flaen yr Arglwydd ei drugaredd ef ai ryfedodau [a wnaeth efe] i feibion dynnion.

³²A derchafed cynnulleidfa y bobl ef, a moliannant ef yn eisteddfod yr henuriaid.

³³Efe a osododd y llifeiriant yn ddiffaethwch: a ffynhonnau dyfroedd yn ddispydd.

³⁴[A] thîr ffrwyth-lawn yn ddiffrwyth: am ddrygioni y rhai a drigent ynddo.

³⁵Gosododd yr anialwch yn llynn dwfr: a’r tîr crâs yn ffynhonnau dwfr.

³⁶Ac yno y gwnaeth i’r newynog aros: ac y darparasant ddinas gyfanneddôl

³⁷Ac yr heuâsant feusydd, ac y plannâsant win-llannoedd, ac y dugâsant ffrwyth toreithiog:

³⁸Canys bendithiâse hwynt fel yr amlhâsant yn ddirfawr, ac ni adawodd iw hanifeiliaid leihau

³⁹Wedi hynny y lleihauwyd hwynt, ac y gostyngwyd gan gyfyngder dryg-fyd, a chŷni:

⁴⁰Tywalltodd ddirmyg ar foneddigion, a gwnaeth iddynt gyrwydro mewn anialwch heb ffordd.

⁴¹Ond efe a gododd y tlawd o gystudd, ac a osododd [ei] deuluoedd fel praidd.

⁴²Y rhai iniawn a wêlant, ac a lawenŷchant: a phob anwiredd a gaea ei safn.

⁴³Pwy [sydd] ddoeth fel y cadwo hyn? ac y deallant drugareddau’r Arglwydd?