Read William Morgan Bible 1588 original edition Psalmau 109 Bible Online

Psalmau 109 - William Morgan Bible 1588 original edition bible

Psalmau 109

¹At y pen-cerdd Psalm Dafydd. Na thaw di ô Dduw fy moliant.

²Canys genau’r annuwiol, a genau y twyllodrus a ymagorâsant arnaf: â thafod gau y llefarasant i’m herbyn.

³Cylchynasant fi hefyd â geiriau câs, ac ymladdasant â mi heb achos.

⁴Am fyng-hariadigrwydd i’m gwrthwynebasant: minne [a arferais] weddi.

⁵Gosodasant hefyd i’m herbyn ddrwg a’m dda: a châs am fyng-hariad.

⁶Gosot [tithe vn] annuwiol arno ef, a safed Satan wrth ei ddeheu-law ef.

⁷Pan farner ef, eled yn euoc, a bydded ei weddi yn bechod.

⁸Ychydig fyddo ei ddyddiau: [a] chymmered arall ei escobaeth ef.

⁹Bydded ei blant yn amddifaid: ai wraig yn weddw.

¹⁰Gan gyrwydro hefyd cyrwydred ei blant ef, a chardottant: ceisiant hefyd [eu bara] oi hang-hyfannedd leoedd.

¹¹Rhwyded y ceisiad yr hyn oll [sydd] ganddo: ac anrheithied dieithriaid ei lafur ef.

¹²Na fydded [neb] a estynno drugaredd iddo: ac na fydded [neb] a drugarhâo wrth ei amddifaid ef.

¹³Bydded ei hiliogaeth ef yn ddinistr, delêer ei enw yn yr oes nessaf.

¹⁴Coffaer anwiredd ei dadau o flaen yr Arglwydd: ac na ddelêer pechod ei fam ef.

¹⁵Byddant bob amser ger bron yr Arglwydd: a thorred efe ddydd eu coffadwriaeth o’r tîr.

¹⁶Am na chofiodd wneuthur trugaredd, eithr erlyd o honaw y truan a’r tlawd, a’r cystuddiedic o galon iw ladd.

¹⁷Hoffodd felldith, a hi a ddaeth iddo ef: ni fynne fendith, a hi a bellhaodd oddi wrtho ef.

¹⁸Ie gwiscodd felldith fel dilledyn, a hi a ddaeth fel dwfr iw fewn, ac fel olew iw escyrn.

¹⁹Bydded iddo fel dilledyn [yr hwn] wisco efe, ac fel gwregys a wregyso efe yn oestadol.

²⁰Hyn [fyddo] tâl fyng-wrthwyneb-wŷr gan yr Arglwydd: a’r rhai a ddywedant niwed yn erbyn fy enaid.

²¹Tithe Arglwydd Dduw gwna â mi yn ôl dy enw, am fod yn dda dy drûgaredd, gwaret fi.

²²Canys truan a thlawd [ydwyfi,] a’m calon a archollwyd o’m mewn.

²³Euthum fel cyscod pan gilio, fel celiog rhedyn i’m hescydwyd.

²⁴Fyng-liniau a aethant yn egwan gan ympryd, a’m cnawd a guriodd o eisieu brasder.

²⁵Gwarthrudd hefyd oeddwn iddynt: [pan] welent fi siglent eu pennau.

²⁶Cynorthwya fi ô Arglwydd fy Nuw, achub fi yn ôl dy drugaredd.

²⁷Fel y gwypant mai dy waith di [yw] hyn: [ac mai] ti Arglwydd ai gwnaethost.

²⁸Melldithiant hwy, tithe a fendithi, cywilyddier y rhai a gyfodant [i’m herbyn:] a llawenycher dy wâs.

²⁹Gwiscer fyng-wrthwyneb-wŷr â gwarth, ac ymwiscant yn eu cywilydd megis â chochl.

³⁰Clodforaf yr Arglwydd yn ddirfawr a’m genau: a moliannaf ef ym mysc llawer.

³¹O herwydd efe a saif ar ddeheu-law’r tlawd: iw achub oddi wrth y rhai a farnant ei enaid ef.