Read William Morgan Bible 1588 original edition Psalmau 111 Bible Online

Psalmau 111 - William Morgan Bible 1588 original edition bible

Psalmau 111

¹Molwch yr Arglwydd. Clodforaf yr Arglwydd a’m holl galon: yn nirgelfa y rhai iniawn, ac yn y gynnulleidfa.

²Mawr [yw] gweithredoedd yr Arglwydd: hyspys i bawb ai hoffant.

³Gogoniant a harddwch [yw] ei waith ef: ai gyfiawnder sydd yn parhau byth.

⁴Gwnaeth goffa am ei ryfeddodau, graslawn a thrugarog [yw]’r Arglwydd.

⁵Rhoddodd ymborth i’r rhai ai hofnant ef, efe a gofia ei gyfammod yn dragywydd.

⁶Mynegodd iw bobl gadernid ei weithredoedd: gan roddi iddynt etifeddiaeth y cenhedloedd.

⁷Gwirionedd a barn [yw] gweithredoedd ei ddwylaw ef: ei holl orchymynnion [ydynt] ffyddlon:

⁸Wedi eu siccrhau byth yn dragywdd, [ai] gwneuthur mewn gwirionedd, ac iniawnder.

⁹Anfonodd ymwared iw bobl, gorchymynnodd ei gyfammod yn dragywyddol: sancteiddiol ac ofnadwy [yw] ei enw ef.

¹⁰Dechreuad doethineb [yw] ofn yr Arglwydd: deall da [sydd] gan y rhai ai harferant hwy, y mae ei foliant ef yn parhau byth.