Read William Morgan Bible 1588 original edition Psalmau 112 Bible Online

Psalmau 112 - William Morgan Bible 1588 original edition bible

Psalmau 112

¹Molwch yr Arglwydd. Gwyn ei fyd y neb a ofno’r Arglwydd, [ac] sydd yn hoffi ei orchymynnion ef yn ddirfawr.

²Ei had fydd cadarn yn y tîr, cenhedlaeth y rhai iniawn a fendithir.

³Golud a chyfoeth [fydd] yn ei dŷ ef: ai gyfiawnder sydd yn parhau byth.

⁴Cyfododd goleuni i’r rhai iniawn yn y tywyllwch: trugarog, a thosturiol, a chyfiawn [yw efe.]

⁵Gŵr dâ [sydd] trugarog, a chymwynascar: wrth farn y llywodraetha efe ei eiriau.

⁶Canys byth nid yscogir ef, y cyfiawn, fydd byth mewn coffadwriaeth.

⁷Nid ofna efe rhag chwedl drwg, ei galon sydd ddisigl yn ymddyried yn yr Arglwydd.

⁸Attegwyd ei galon [fel] nad ofno efe hyd oni wêlo ei ewyllys ar ei elynnion.

⁹Rhannodd, [a] rhoddodd i’r tlodion, ai gyfiawnder sydd yn parhau byth: ei gorn a dderchefir mewn gogoniant.

¹⁰Yr annuwiol a wêl [hyn,] ac a ddigia, efe a yscyrnŷga ei ddannedd, ac a dawdd ymmaith: derfydd am ddymuniad y rhai annuwiol.