Read William Morgan Bible 1588 original edition Psalmau 115 Bible Online

Psalmau 115 - William Morgan Bible 1588 original edition bible

Psalmau 115

¹Nid i ni ô Arglwydd, nid i ni, ond i’th enw dy hun dod ti ogoniant o herwydd dy drugaredd a’th wirionedd.

²Pa ham y dywed y cenhedloedd, pa le yn awr [y mae] eu Duw hwynt?

³Canys ein Duw ni [sydd] yn y nefoedd: efe a wnaeth yr hyn a fynnodd oll.

⁴Eu delwau hwy [ydynt] o aur, ac arian, [sef] o waith dynnion.

⁵Genau [sydd] iddynt, ac ni lefarant, llygaid [sydd] ganddynt, ac ni welant.

⁶[Y mae] clustiau iddynt, ac ni chlywant, ffroenau [sydd] ganddynt, ac ni aroglant.

⁷Dwylo [sydd] iddynt, ac ni theimlant: traed [sy] iddynt, ac ni cherddant: ni leisiant [ychwaith] ai gwddf.

⁸Y rhai ai gwnânt ydynt fel hwythau, [a] phob vn a ymddiriedo ynddynt.

⁹[Tŷ] Israel ymddyriet ti yn yr Arglwydd, efe yw eu porth, ai tarian.

¹⁰Tŷ Aaron ymddyriedwch yn yr Arglwydd: efe yw eu porth, ai tarian.

¹¹Y rhai a ofnwch yr Arglwydd, ymddyriedwch yn yr Arglwydd: efe yw eu porth, ai tarian.

¹²Yr Arglwydd a’n cofiodd ni, efe [a’n] bendithia, bendithia efe dŷ Israel: bendithia efe dŷ Aaron.

¹³Bendithia efe y rhai a ofnant yr Arglwydd, fychain, a mawrion.

¹⁴Yr Arglwydd a chwanêga [ei ddonniau] arnoch [sef] arnoch chwi, ac ar eich plant.

¹⁵Bendigêdic ydych chwi gan yr Arglwydd, yr hwn a wnaeth nefoedd a daiar.

¹⁶Y nefoedd [îe]’r nefoedd [ydynt] eiddo yr Arglwydd: efe a roddes y ddaiar i feibion dynnion.

¹⁷Y meirw ni foliannant yr Arglwydd, na’r rhai oll a ddescynnant i ddistawrwydd.

¹⁸Ond nyni a fendithiwn yr Arglwydd o hyn allan yn dragywydd. Molwch yr Arglwydd.