Read William Morgan Bible 1588 original edition Psalmau 116 Bible Online

Psalmau 116 - William Morgan Bible 1588 original edition bible

Psalmau 116

¹[47]Da gennif wrando o’r Arglwydd a’r fy llef a’m gweddiau.

²Am ostwng o honaw ef ei glust attaf, llefaf tros fy nyddiau [arno ef.]

³Maglau angeu a’m cylchynâsant, a gofidiau vffern a’m daliâsant, ing a blinder a gefais.

⁴Ond mi a alwaf ar enw’r Arglwydd, attolwg Arglwydd gwaret fy enaid.

⁵Trugârog [yw’r] Arglwydd, a chyfiawn, a thosturiol yw ein Duw ni.

⁶Yr Arglwydd sydd yn cadw y rhai annichellgar: tlodais, ac efe a’m hachubodd.

⁷Dychwel ô fy enaid, i’th orphywysfa, canys yr Arglwydd fu ddâ wrthit.

⁸O herwydd i ti waredu fy enaid oddi wrth angeu, fy llygaid oddi wrth ddagrau, a’m traed rhag llithro:

⁹Rhodiaf o flaen yr Arglwydd yn nhîroedd y rhai byw.

¹⁰Credais, am hynny y lleferais: cystuddiwyd fi’n ddirfawr.

¹¹Mi a ddywedais yn fy ffrwst, pob dyn [sydd] gelwyddoc.

¹²Beth a dalaf i’r Arglwydd [am] ei holl ddoniau i mi?

¹³Phiol iechydwriaeth a gymmeraf, ac ar enw’r Arglwydd y galwaf.

¹⁴Fy addunedau a dalaf i’r Arglwydd, yn awr o flaen ei holl bobl ef.

¹⁵Gwerth-fawr yng-olwg yr Arglwydd [yw] marwolaeth ei sainct ef.

¹⁶Wele ô Arglwydd, o herwydd mai dy wâs di [ydwyfi,] (dy wâs di [ydwyfi,] [sef] mab dy wasanaeth-wraig,) dattodaist fy rhwymau.

¹⁷Aberthaf i ti aberth moliant: a galwaf ar enw’r Arglwydd.

¹⁸Talaf fy addunedau i’r Arglwydd yn awr o flaen ei holl bobl,

¹⁹Yng-hynteddoedd tŷ’r Arglwydd o’th fewn di ô Ierusalem. Molwch yr Arglwydd.